18 кастрычніка на адным з найбуйнейшых кніжных кірмашоў свету ў Франкфурце-на-Майне (Нямеччына) пачынае працу беларускі стэнд. Там можна будзе паглядзець кнігі і пазнаёміцца з дзейнасцю незалежных выдавецтваў: Januškevič Publishing, Gutenberg Publisher, Vesna Books, Skarynyčy, Skaryna Press, «Мяне няма», піша Bellit.info.
18 кастрычніка, у дзень адкрыцця стэнда, пры падтрымцы Інстытута беларускай кнігі ў 13:00 адбудзецца панэльная дыскусія »Free Expression in the Face of Repression», прысвечаная Беларусі.
Удзел у дыскусіі бяруць: пісьменніца і паэтка Вольга Гапеева, кіраўніца Прадстаўніцтва па справах адукацыі і нацыянальнага адраджэння Аб’яднанага пераходнага кабінета Святланы Ціханоўскай Аліна Коўшык, прадстаўніца Інстытута беларускай кнігі Ала Пігальская, мадэратарка і рэдактарка dekoder.org Інга Пец.
Многія беларускія пісьменнікі і выдаўцы вымушаныя былі сысці ў падполле альбо з’ехаць за мяжу. Сёння яны прыкладаюць намаганні, каб аднавіць сваю дзейнасць і падтрымліваць сувязі з беларускімі грамадзянамі, раскіданымі па розных краінах свету.
Што значыць аднавіць працу ў якасці пісьменніка або выдаўца за мяжой? Якія існуюць шляхі для распаўсюду кніг? Ці можна разважаць пра беларускую літаратуру не з пазіцыі ахвяры, не як пра палітычную заяву, а з перспектывы літаратурных якасцяў і пасылаў? Якая будучыня чакае беларускую літаратуру? — на гэтыя і іншыя тэмы будуць размаўляць госці.
Працоўная мова — ангельская, а па спасылцы будзе весціся анлайн-трансляцыя дыскусіі.
Чытайце таксама:
Першая гей-анталогія «Мальцы выходзяць з-пад кантролю». Што ў ёй?
У Варшаве рыхтуюць лялечны спектакль пра Купалу па матывах п’есы Караткевіча
Цяпер чытаюць
Маладую беларуску пратрымалі ў расійскім СІЗА амаль 4 гады і апраўдалі. А кампенсацыю далі такую, нібыта ў твар плюнулі6
Каментары