Што трапляе ў музеі Расіі з вайны? Кіслотна-зялёныя майткі з матылькамі і шаўрон «Рускі карабель, ідзі на ***»
Музеі — не проста захавальнікі артэфактаў, яны займаюць вельмі важнае месца ва ўмацаванні дзяржаўнай ідэалогіі. Пасля пачатку паўнавартаснага ўварвання ва Украіну музеі Расіі рэгулярна ладзяць выставы, прысвечаныя «гераізму байцоў». На іх часам прадстаўлены вельмі дзіўныя экспанаты.
Як піша інтэрнэт-выданне «Медыязона», выставы ў музеях Расіі, што распавядаюць аб «гераізме расійскіх ваенных», у большай сваёй частцы арганізаваныя па метадычцы федэральных уладаў. У красавіку 2023 года Пуцін даручыў ствараць музеі, звязаныя з вайной ва Украіне, шукаць і перадаваць музейшчыкам «артэфакты, звязаныя з СВА».
Экспанаты для выставаў супрацоўнікі шукаюць праз родных загінулых салдат. За апошні час фонды музеяў папоўніліся сотнямі прадметаў, якія належалі загінулым. Некаторыя родныя самі звязваюцца з музеямі і прыносяць рэчы, якія потым уносяцца ў музейныя каталогі і становяцца музейнымі прадметамі.
Часам музейшчыкі выступаюць ініцыятарамі акцый накшталт напісання школьнікамі лістоў байцам на фронт. Праўда, замест фронту гэтыя дзіцячыя лісты трапляюць адразу ў фонды музеяў.
На сайце «Госкаталог.рф» можна знайсці шмат дзіўных рэчаў, якімі папоўніўся музейны фонд Расіі. Сярод іх — кіслотна-зялёныя майткі з матылькамі «з гуманітарнай дапамогі, якая перадаецца ў зону правядзення СВА». Яны захоўваецца ў Саратаўскім парку «Мая гісторыя». А ў фондах Ваенна-гістарычнага музея Ціхаакіянскага флоту захоўваецца шаўрон «Рускі ваенны карабель, ідзі на ***».
Музейныя супрацоўнікі карпатліва збіраюць біяграфіі людзей, чые прадметы трапляюць у іх фонды. Аўтары артыкула цытуюць унутраныя дакументы Сургуцкага краязнаўчага музея. Адзін з супрацоўнікаў падрабязна выклаў біяграфіі байцоў ПВК «Вагнер», якія патрапілі на фронт з турмаў. Іх партрэты патрапілі на выставу.
Акрамя прадметаў загінулых воінаў, фонды расійскіх музеяў папоўніліся прадметамі, якія раней належалі ўкраінскім музеям. Як сцвярджаецца ў матэрыяле, калі восенню 2022 года расійскія акупанты пакідалі Херсон, то прыхапілі з сабою экспанаты як мінімум двух абласных музеяў.
На жаль, цяпер сайт Дзяржаўнага фондавага каталогу музеяў Расіі недасяжны.
Чытайце яшчэ:
Журналістам вядомыя імёны ўжо 40 тысяч загінулых расійскіх вайскоўцаў
«Ідзіце на фронт самі і памрыце самі». «Шлях дадому» апублікаваў зварот мабілізаванага да Пуціна
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны38
Каментары