«Пакатай мяне, Міша, на «Ладзе». У Маладзечанскім раёне 35-гадовы кавалер тры дні катаў каханую на скрадзеным аўто
Жыхар Маладзечанскага раёна звярнуўся ў міліцыю з заявай аб згоне транспартнага сродку.
Высветлілася, што напярэдадні вечарам ён з сябрам піў у сябе дома. Дачакаўся, пакуль засне прыяцель і вырашыў пракаціцца на яго аўтамабілі, папярэдне ўзяўшы ключ дома, піша Kraj.by.
П'яны аўтааматар паехаў у суседнюю вёску, дзе яго чакала каханая. Мужчына тры дні катаў яе па крамах, усведамляючы, што яго шукае міліцыя.
Па прыездзе супрацоўнікаў міліцыі мужчына хутка прызнаўся ў зробленым і паказаў месца, дзе пакінуў аўтамабіль, які захрас у гразі. Заведзена крымінальная справа.
Цяпер чытаюць
У Пскове расіянін забіў беларуса Валерыя за тое, што той патрабаваў паважаць беларускую нацыю10
Каментары