Для пашырэння падыходаў да Балтыкі для беларускіх грузаў трэба $1,7 млрд
Расійская чыгунка мае намер пашырыць чыгуначныя падыходы да балтыйскіх партоў за 156 млрд руб. (каля 1,7 млрд долараў), каб забяспечыць перавалку 20 млн тон беларускіх грузаў у порце Бронка. Адкуль будуць узятыя гэтыя сродкі, пакуль незразумела: у інвестпраграме іх няма, піша «Коммерсант».
Расійская чыгунка ацэньвае інвестыцыі, неабходныя для развіцця падыходаў да паўночна-заходніх партоў для экспарту беларускай прадукцыі, у 156,3 млрд. руб., вынікае з матэрыялаў кампаніі, якія бачыў «Коммерсант». Гэтыя сродкі патрэбны для развіцця ўчастка Бацецкая-Бронка, што дазволіць экспартаваць праз порт Бронка ў Ленвобласці 20 млн тон беларускіх грузаў.
У інвестпраграме РЧ ужо ўлічаны мерапрыемствы на 15,1 млрд руб. да 2026 года — гэта развіццё ўчасткаў Завярэжжа — Бацецкая, Завярэжжа — Дно — Пскоў — Луга, Сярэднерагацкая — Бронка. Аднак неабходны яшчэ сродкі, не прадугледжаныя ў інвестпраграме.
Гэта будаўніцтва 75-кіламетровага паўднёва-заходняга абыходу Пецярбурга. Будоўлю плануюць завяршыць у 2028 годзе.
Пасля закрыцця балтыйскімі краінамі сваіх партоў для Беларусі беларускія ўлады шукаюць выйсце праз Расію, у якой не хапае магутнасцяў для беларускіх грузаў.
Прапагандысты запэўніваюць, што 196 палітвязняў ужо на свабодзе8
Каментары