Белы дом адмовіўся накіроўваць ва Украіну амерыканскіх спецыялістаў па абслугоўванні F-16
The Wall Street Journal са спасылкай на амерыканскіх афіцыйных асоб паведамляе, што Белы дом адмовіўся накіроўваць ва Украіну амерыканскіх спецыялістаў па абслугоўванні знішчальнікаў F-16 і іншай вайсковай тэхнікі з меркаванняў бяспекі.
Як піша WSJ, Рада нацыянальнай бяспекі ЗША разгледзела прапанову аб адпраўцы грамадзянскіх падрадчыкаў ва Украіну для абслугоўвання знішчальнікаў F-16 і іншай вайсковай тэхнікі. Аднак, як адзначаюць крыніцы газеты, выведвальная супольнасць і іншыя ўдзельнікі абмеркавання палічылі гэта занадта рызыкоўным на гэты момант.
«Выведвальная супольнасць выказала занепакоенасць перспектывай таго, што Расія нацэліцца на амерыканскіх падрадчыкаў ва Украіне», — цытуе WSJ неназванага амерыканскага чыноўніка.
Зрэшты, адміністрацыя не выключыла адпраўку амерыканскіх падрадчыкаў у будучыні, але, паводле звестак выдання, не найбліжэйшым часам.
У матэрыяле адзначаецца, што застаецца магчымасць таго, што як мінімум частка задач па абслугоўванні тэхналагічна складаных вайсковых машын могуць узяць на сябе краіны Еўропы.
Афіцыйных каментароў на гэты конт пакуль на было.
Перадача самалётаў F-16 і навучанне ўкраінскіх пілотаў ужо даўно з'яўлялася адной з найважнейшых тэм перамоў Украіны і краін Захаду аб дапамозе Кіеву ў адбіцці расійскай агрэсіі. У канцы ліпеня стала вядома, што першая партыя знішчальнікаў F-16 прыбыла ва Украіну.
На гэтым тыдні ўкраінскія вайскоўцы паведамілі, што адзін з пастаўленых знішчальнікаў пацярпеў крушэнне, а пілот, які кіраваў ім, загінуў. 30 жніўня ўкраінскае камандаванне перадало амерыканскім партнёрам папярэдні даклад аб крушэнні F-16.
У той жа дзень прэзідэнт Украіны Уладзімір Зяленскі сваім указам зняў з пасады камандуючага Вайскова-паветранымі сіламі УСУ Міколу Алешчука. У відэазвароце Зяленскі заявіў, што ён «вырашыў змяніць камандуючага ВПС», каб умацаваць вайсковае кіраўніцтва Украіны.
Міністр абароны Украіны Рустэм Умераў, праўда, аспрэчвае тое, што адстаўка Алешчука звязаная з крушэннем самалёта F-16:
«Я б, напэўна, сказаў, што гэта ратацыя. Гэта два асобныя пытанні… На гэтым этапе я б не стаў іх звязваць», — заявіў Умераў у інтэрвʼю CNN.
Пры гэтым ён адзначыў:
«Мы аналізуем тое, што адбылося. Мы таксама адкрылі гэтую справу для нашых партнёраў, таму яны аналізуюць і расследуюць разам з намі».
Загадка вакол першай страты F-16 Украінай. Паводле адной з версій, знішчальнік быў збіты ўласнай ракетай СПА
Пасля страты самалёта F-16 Зяленскі звольніў камандуючага Паветранымі сіламі
Ва УСУ пацвердзілі страту самалёта F-16, падчас аварыі загінуў пілот
Знішчальнік F-16 амерыканскай вытворчасці разбіўся ва Украіне — WSJ
Самалёты F-16 ужо выкарыстоўваюцца Украінай для збівання расійскіх ракет
Украінскія пілоты F-16 атрымалі нашлемныя прыцэлы, якія дазваляюць страляць позіркам. Як гэта працуе?
Ці шмат зменіцца ад таго, што ва Украіну прыбылі знішчальнікі F-16?
Цяпер чытаюць
У Пскове расіянін забіў беларуса Валерыя за тое, што той патрабаваў паважаць беларускую нацыю7
Каментары