Марынаваная радыска — выратаванне для любой прэснай ці сумнай стравы. Яна імгненна палепшыць смак і дадасць тэкстурную разынку амаль да любой ежы. Асабліва добра гатаваць яе вясной, калі радыска ў сезоне.
Нават калі вам здаецца, што вы не любіце радыс, не спісвайце гэты рэцэпт з рахункаў: ён ідэальна аздобіць вашы салаты і сэндвічы або шашлык. (А яшчэ ён смачны сама па сабе!)
Вазьміце любы від воцату, трохі часнаку і яшчэ некалькі простых складнікаў, каб прыгатаваць марынаваныя лустачкі радыскі менш чым за гадзіну.
Смак у іх будзе хутчэй воцатава-салёны, чым ярка-радысачны. Але пры гэтым лустачкі застануцца храбусткімі і свежымі.
У адрозненне ад ферментаваных марынадаў, якія патрабуюць некалькіх дзён ці нават тыдняў, хуткія марынады (таксама званыя «марынады з халадзільніка» ці «воцатныя марынады») гатуюцца вельмі хутка — літаральна за гадзіну.
Каб зрабіць хутка марынаваны радыс, спатрэбіцца:
- 3 зубкі часнаку, ачышчаныя і раздушаныя
- 1 перац халапеньё, разрэзаны ўздоўж (па жаданні)
- 1 пучок радыскі, без бацвіння, памытай і тонка нарэзанай (прыкладна 12—14 штук)
- 1/2 шклянкі воцату (можна выкарыстоўваць любы від воцату: белы дыстыляваны, воцат з белага або чырвонага віна, белы бальзамічны, яблычны воцат. Радыска ўбярэ смак таго воцату, які вы дадасце)
- 1/2 шклянкі цёплай вады
- 2 сталовыя лыжкі цукру (па жаданні)
- 2 чайныя лыжкі солі
Як гатаваць:
- Змясціце часнок, перац (калі дадаяце) і радыску ў слоік з накрыўкай.
- У мернай шклянцы змяшайце венчыкам воцат, ваду, цукар (калі дадаяце) і соль.
- Уліце воцатную сумесь у слоік з радыскай.
- Зачыніце слоік накрыўкай і пастаўце ў халадзільнік мінімум на 30 хвілін або да дасягнення жаданага смаку (аптымальна — на гадзіну).
Захоўваеце марынаваную радыску ў слоіку з накрыўкай у халадзільніку да трох тыдняў.
Салата з радыскі і зеляніны — папаўняем запас вітамінаў
Грыль — гэта не толькі абвугленыя каўбаскі. Падборка небанальных рэцэптаў
Чым карысная спаржа, як яе выбраць і што з яе можна прыгатаваць
Ізноў спаржа: найлепшыя рэцэпты з каралевай травеньскай гародніны
Як уласнаручна зрабіць маянэз ды іншыя запраўкі для салаты
Каментары