Прэзідэнт ЗША Дональд Трамп 30 ліпеня падпісаў шэраг указаў, датычных гандлёвай палітыкі краіны. Сярод іншага ён увёў 50% пошліны на тавары з Бразіліі, паведамляе CNN.
Трамп раней ужо пагражаў увесці 50% пошліны на тавары з Бразіліі з 1 жніўня, калі ўлады краіны не спыніць судовы працэс супраць былога прэзідэнта Жаіра Балсанару, палітычнага саюзніка Трампа. Цяпер гэтая мера зацверджаная і павялічвае ранейшыя пошліны на 40% — раней яны былі 10-працэнтныя.
Жаіра Балсанару, супраць суда над якім пратэстуе Трамп, вінавацяць у спробе дзяржаўнага перавароту. Ва ўказе Трампа гаворыцца, што пераслед экс-прэзідэнта і яго прыхільнікаў з боку бразільскіх уладаў нібыта з’яўляецца палітычным і парушае правы чалавека.
У гэты ж дзень ЗША ўвялі санкцыі супраць суддзі Вярхоўнага суда Бразіліі Аляксандра дэ Мараеса і ўвялі візавыя абмежаванні яшчэ супраць некалькіх чыноўнікаў, якія ўдзельнічаюць у працэсе супраць Балсанару.
Акрамя пошлін, скіраваных супраць Бразіліі, Трамп таксама ўстанавіў 50% мыта на паўфабрыкаты з медзі (трубы, драты, лісты) і прадукты з высокім утрыманнем медзі. У Белым доме заявілі, што гэта робіцца для абароны нацыянальнай бяспекі і падтрымкі ўнутранай меднай прамысловасці. Мыта набудзе сілу таксама з 1 жніўня. У 2024 годзе ЗША імпартавалі медзі на $17 мільярдаў, больш за ўсё — з Чылі ($6 мільярдаў).
Трамп таксама адмяніў так званы de minimis — падатковую льготу, якая дазваляла бязмытна ўвозіць у краіну пасылкі вартасцю да $800. Гэта моцна закране інтэрнэт-крамы кшталту Shein і Temu, якія масава карысталіся гэтай схемай, у тым ліку праз Кітай і Ганконг.
Былы міністр культуры Руслан Чарнецкі знайшоў сабе падпрацоўку9
Каментары
угу, начнут у своих барыг закупать грязную нефть в тридорого, и побегут с Манхеттона в Алабаму быков бразильских пасти.