«Калі захоча, Зяленскі можа амаль імгненна скончыць вайну з Расіяй» — Трамп напісаў новы допіс
Прэзідэнт ЗША Дональд Трамп апублікаваў новы пост, датычны дасягнення міру ва Украіне. Ён назваў умовы, якія неабходна выканаць Украіне. Фактычна Пуцін меў усё гэта да ўварвання ў суседнюю краіну.
«Прэзідэнт Украіны Зяленскі можа амаль адразу ж пакласці канец вайне з Расіяй, калі захоча, або ж працягваць барацьбу. Успомніце, як усё пачалося. Ніякага вяртання Крыма, аддадзенага Абамам (12 гадоў таму, без ніводнага стрэлу!) — і НІЯКАГА ЎСТУПЛЕННЯ УКРАІНЫ Ў НАТА. Некаторыя рэчы ніколі не мяняюцца!!!» — напісаў ён у сваёй сацсетцы Truth Social напярэдадні візіту ўкраінскага лідара ў Белы дом.
Як адзначае CNN, заява Трампа адлюстроўвае ціск, з якім Зяленскі сутыкнецца падчас сустрэчы ў Белым доме.
«Дзве ўмовы, якія ён пералічыў — каб Украіна саступіла Крым, які Расія незаконна анексавала ў 2014 годзе, і каб яна пагадзілася ніколі не ўступаць у НАТА — уваходзяць у лік умоў, выстаўленых Уладзімірам Пуціным для спынення вайны», — піша тэлевізійная кампанія. Але фактычна Пуцін усё гэта меў і да поўнамаштабнай вайны — краіны НАТА не збіраліся прымаць Украіну ў свой альянс.
Цяпер чытаюць
Загнуўся бізнэс члена хакейнай каманды Лукашэнкі, які абяцаў пабудаваць лыжны манеж за Вярхоўным судом узамен на ласыя ўчасткі1
Каментары