Перавозчыкі ўжо аднавілі прамыя рэйсы ў Польшчу. Колькі цяпер каштуюць білеты
Днём 23 верасня стала вядома, што Польшча адновіць рух на мяжы з Беларуссю ў ноч з 24 на 25 верасня. Паглядзелі, што з білетамі на аўтобусы.
На сэрвісе «Атлас» білеты на аўтобус Мінск-Варшава з выездам увечары 24 верасня і на 25 верасня прадаюць за 130 і 150 рублёў.
Таксама дагэтуль прадаюцца білеты на рэйс праз Латвію за 350 рублёў.
Білеты з Гродна ў Варшаву каштуюць 150 рублёў, а з Брэста — ад 100 рублёў.
На сервісе intercars-tickets ёсць прамые білеты з Мінска ад Мінсктрас, BayerTrans, Флайбус (Брэст), Трансагенства Фаварыт 4 (Гродна).
Выглядае, што з буйных перавозчыкаў толькі Экалайнс не перабудаваў маршрут і дагэтуль прапануе білеты з Мінска ў Варшаву па 130 еўра з праездам праз Літву.
Нягледзячы на тое, што мяжа яшчэ застаецца закрытай, чэргі на выезд у Польшчу нікуды не знікалі, а пасля з'яўлення навіны пра аднаўленне працы, яны пачалі расці.
Яшчэ да з'яўлення навіны пра аднаўленне руху ў электроннай чарзе ў пункце пропуску «Брэст» было 2300 легкавікоў. Па стане на 20:02 чарга павялічылася да 2722 аўто.
Таму трапіць у Польшчу на аўто ў тых, хто зойме чаргу сёння, атрымаецца толькі прыблізна праз тыдзень.
Колькасць аўтобусаў таксама расце: калі да абеду іх было 18, то ўвечары ўжо 29.
-
«Будавала кар'еру, каб цяпер сарвацца ў аграрны? Адназначна так!» Дэканы Горацкай акадэміі закахалі ў сябе сацсеткі
-
У цэнтры Брэста паставяць гіганцкія вагі з незвычайнымі адзінкамі вымярэння
-
«Не будзем звяртаць увагу на лімітрофаў». Юрась Зянковіч запусціў уласнае медыя, не ведаючы, што гэтаксама называецца сайт пазнякоўцаў
Цяпер чытаюць
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч9
Каментары