Міністр унутраных спраў Літвы прапанаваў перавозчыкам пратэставаць у Беларусі
Пакуль Асацыяцыя аўтаперавозчыкаў Літвы Linava разглядае магчымасць правядзення акцый пратэсту ў Літве і Бруселі, міністр унутраных спраў Літвы Уладзіслаў Кандратовіч лічыць, што больш лагічным крокам было б правесці іх у Беларусі, якая не выпускае фуры, піша LRT.
«Беларусь закрывае, але пратэстуем у Літве. Я думаю, яны маглі б пратэставаць і ў Беларусі. Гэта не мы іх не выпускаем, а беларусы не выпускаюць, таму пратэставаць там было б для іх лагічным і правільным крокам. (…) Вядома, я, магчыма, крыху перабольшваю, але адначасова трэба глядзець на ўсе праблемы. Нельга забываць, што гэта нашы літоўскія прадпрыемствы, і мы павінны прасачыць, каб яны вярнулі сваю маёмасць — фуры і паўпрычэпы», — заявіў У. Кандратовіч журналістам у сераду.
Кажучы пра цяперашнюю сітуацыю, ён адзначыў, што Літва магла б прапанаваць Беларусі арганізаваць сустрэчу памежнікаў абедзвюх краін, паколькі, паводле слоў У. Кандратовіча, з боку дзяржавы, якая ажыццяўляе гібрыдную атаку, прыкметныя больш станоўчыя сігналы.
«Яны (Беларусь) кажуць, што прапануюць сустрэцца і пагаварыць пра гэта (пра адкрыццё эвакуацыйнага калідора на мяжы Літвы і Беларусі). Мы з нашага боку лічым, што ў нас таксама ёсць пэўныя шляхі, якімі мы можам паспрабаваць урэгуляваць сітуацыю на непалітычным узроўні — магчыма, мы прапануем сустрэчу на ўзроўні памежнікаў для абмеркавання гэтых пытанняў. Што датычыцца мяжы, то, падаецца, мы ўжо бачым пэўныя рухі з боку Беларусі», — запэўніў кіраўнік МУС.
У адказ на сітуацыю з кантрабанднымі метэазондамі, з-за якіх узнікаюць збоі ў працы Віленскага аэрапорта, урад Літвы некалькі тыдняў таму прыняў рашэнне закрыць на месяц, да паўночы 30 лістапада, апошнія пункты пропуску на мяжы з Беларуссю — «Меднікі» і «Салечнікі». Рух праз пункт пропуску «Салечнікі» поўнасцю прыпынены, а дзейнасць пункта пропуску «Меднікі» абмежавана з некаторымі выключэннямі.
Дарадца прэм'ера Літвы: Беларусь адмовілася адкрываць эвакуацыйныя калідоры для літоўскіх фур
Прэм'ер Літвы пра фуры ў Беларусі: Бізнэс павінен быў да гэтага падрыхтавацца
Літоўскія перавозчыкі наракаюць на гіганцкія выплаты, якія з іх здзерлі ў Беларусі
Колькі літоўскіх фур заблакавана ў Беларусі і якая цана пытання
Цяпер чытаюць
Старшыня Рады бяспекі заклікаў беларусаў устрымацца ад паездак у Расію4
Каментары
Па меркаванні летувіскага боку Лукашэнка асабіста кантралюе беларускіх кантрабандыстаў, якія запускаюць шары ў бок летувіскіх кантрабандыстаў.
Але пры гэтым летувісы лічаць, што Лукашэнка не кантралюе памежнікаў, і таму можна дамовіцца з беларускімі памежнікамі без Лукашэнкі.
У чым праблема? 1 снежня адчыняць мяжу і ўсе паедуць каму куды трэба. Ужо амаль палова месяца мінула, засталося трохі пачакаць.