Допіс дзяўчыны хутка выклікаў ажыўленае абмеркаванне.
Беларуска заўважыла на паліцы супермаркета незвычайны экзатычны фрукт — плод какавы. Такія прадукты рэдка сустракаюцца ў продажы ў нашых шыротах, таму пакупніца разгубілася і вырашыла спытаць у карыстальнікаў Threads, як яго ўвогуле ядуць. Допіс хутка выклікаў ажыўленае абмеркаванне, піша Onliner.by.
На фота, якое жанчына апублікавала ў сацсетцы, відаць, што фрукт прывезены з Эквадора і прадаецца па цане 51,99 рубля за кілаграм.
«Хто-небудзь ведае, як есці свежую какаву?» — пацікавілася яна ў падпісчыкаў. Карыстальнікі патлумачылі, што плод какавы — гэта не толькі крыніца знаёмага ўсім парашку.
Сам фрукт вонкава нагадвае выцягнутую дыню і бывае розных колераў.
Яго разразаюць уздоўж: унутры знаходзіцца насенне (какава-бабы) і жэлепадобная мякаць. Менавіта мякаць ядуць — яе звычайна абсмоктваюць, як цукерку або ягаду, а костачкі не разгрызаюць.
Некаторыя каментатары падзяліліся асабістым досведам і распавялі, як з насення можна самастойна атрымаць какаву: зярняты трэба прамыць, высушыць і апрацаваць.
Паводле слоў іншых удзельнікаў абмеркавання, смак мякаці кісла-салодкі і нагадвае аскарбінавую кіслату. У каментарыях таксама ўдакладнілі, што фрукт быў заўважаны ў адной з крам «Еўраопт».
Цяпер чытаюць
Маладую беларуску пратрымалі ў расійскім СІЗА амаль 4 гады і апраўдалі. А кампенсацыю далі такую, нібыта ў твар плюнулі5
Каментары
Eŭraopt - heta tanna, jakasna, surjozna !... Pradaju hety słohan reklamšćykam, źviartajciesia, abmiarkujem košt, i čym chutčej - tym źnižka bolš...