Санаторый «Сосны» на беразе Нарачы мадэрнізуюць у сучасны велнес-цэнтр
Велнес-цэнтр узвядуць у межах мадэрнізацыі санаторыя «Сосны», які знаходзіцца непасрэдна каля вады, піша прэс-служба Банка развіцця.
Асаблівасцю праекта стане незвычайная транспартная сістэма: паміж карпусамі санаторыя і новым цэнтрам з’явяцца надземныя капсулы. Яны змогуць перавозіць адпачывальнікаў усяго за паўхвіліны, адначасова адкрываючы панарамныя віды на возера і навакольныя лясы.
Сам велнес-цэнтр абяцаюць зрабіць з вялікімі панарамнымі вокнамі, каб госці маглі любавацца прыродай падчас працэдур. Уздоўж берага таксама пабудуюць некалькі двухпавярховых дамоў для пражывання, у інтэр’еры якіх выкарыстаюць натуральныя матэрыялы.
Праект накіраваны на тое, каб зрабіць курорт больш сучасным і прывабным, павялічыўшы колькасць турыстаў у Беларусі.
Каментары
Прабачце, але як гэты жах чытаць? Чаму абавязкова на расейскі манер? У ангельскім "wellness" - два гукі "э", а не "е". Чаму не "вэлнэс-цэнтр" хаця б (я ужо пра простае і зразумелае "цэнтр дабрабыту")?