Гэтая стратэгія можа азначаць пераход вайны ў зацяжную фазу. Гэта прывядзе да дэфіцыту паставак нафты і ўгнаенняў на рынак, што выгадна іх амерыканскім вытворцам і Расіі.
Прэзідэнт ЗША Дональд Трамп даручыў ВМС ЗША падрыхтавацца да працяглай блакады Армузскага праліва, піша WSJ.
Вашынгтон імкнецца максімальна ўзмацніць эканамічны ціск на Тэгеран, паколькі вайна доўжыцца ўжо трэці месяц. Гэтая стратэгія азначае пераход вайны ў зацяжную фазу. Хоць прамыя баявыя дзеянні могуць спыніцца, стабільнасць суднаходства ў рэгіёне застаецца пад вялікім пытаннем.
ЗША плануюць заблакаваць усю іранскую нафту і пазбавіць Тэгеран прыбыткаў ад яе продажу. У сваю чаргу Іран таксама трымае праліў закрытым для большасці іншых грузаў. У выніку сусветны энергетычны рынак знаходзіцца ў стане нявызначанасці.
Напярэдадні прэзідэнт ЗША заявіў, што Іран ужо звярнуўся да ЗША з просьбай спыніць марскую блакаду. Трамп напісаў у сацсетцы Truth Social, што Тэгеран хоча адкрыць водны шлях «як мага хутчэй, паколькі яны спрабуюць разабрацца са сваёй сітуацыяй з кіраўніцтвам». Таксама прэзідэнт ЗША дадаў, што, паводле слоў саміх іранцаў, краіна знаходзіцца ў «стане калапсу».
Каментары
Блакада будзе трываць да ўварвання Пуціна ў ЕС.