У абласных гарадах Беларусі прарасійскія актывісты правялі «Бессмяротныя палкі»
Прарасійскім актывістам удалося далучыць шэсце «Бессмяротны полк» да афіцыйнай акцыі «Беларусь памятае» ў абласных гарадах Беларусі. Пра гэта паведамілі расійскае пасольства ў Беларусі і прадстаўніцтвы «Рассупрацоўніцтва». Пры гэтым беларускія дзяржаўныя медыя пра «Бессмяротны полк» амаль не згадвалі, піша Reform.news.
У Гродне аб’яднаную калону ўзначалілі прадстаўнікі расійскага генконсульства і «Рускага дома». Паводле арганізатараў, у шэсці ўдзельнічала шмат людзей з партрэтамі сваіх родных, якія ваявалі ў Другой сусветнай вайне. Падчас шэсця гучалі вядомыя ваенныя песні, якія ўдзельнікі спявалі разам.
У Віцебску ў акцыі, што прайшла ў межах «Беларусь памятае», удзельнічалі супрацоўнікі расійскага пасольства.
Пра падобнае шэсце паведамілі таксама ў Брэсце, дзе разам ішлі ўдзельнікі дзвюх акцый, прадстаўнікі дэлегацый і жыхары горада.
У Магілёве, паводле расійскага пасольства, у мерапрыемстве ўдзельнічалі не толькі мясцовыя жыхары, але і госці з Масквы.
У Гомелі ў шэсці «Бессмяротнага палка» ўдзельнічалі супрацоўнікі расійскага пасольства і «Рускага дома». Арганізатары падкрэслівалі, што акцыя сімвалізуе памяць пра перамогу і пераемнасць пакаленняў.
Мяркуючы па фота і відэа з падзей, нідзе гэтыя акцыі не былі асабліва шматлікія.
Sputnik Беларусь таксама апублікаваў відэа з Мінска, дзе ўдзельнікі акцыі расказвалі пра сваіх сваякоў, што ўдзельнічалі ў вайне. У кадры былі людзі з партрэтамі родных і Іосіфа Сталіна.
Раней прарасійскі актывіст Андрэй Герашчанка заклікаў беларускія ўлады афіцыйна ўключыць «Бессмяротны полк» у акцыю «Беларусь памятае». Ён сцвярджаў, што гэта павінна падкрэсліць адзінства Беларусі і Расіі ў святкаванні Дня Перамогі. Паводле яго, такі фармат ужо выкарыстоўваўся ў 2024 і 2025 гадах.
Разам з тым нядаўна стала вядома, што Мінгарвыканкам не дазволіў правядзенне асобнага шэсця «Бессмяротнага палка» ў Мінску 9 мая.
Цяпер чытаюць
22‑гадовы Віктар з-пад Клецка пратрымаўся на фронце месяц. А пасля бацькі перасварыліся, дзелячы грабавыя6
Каментары
Нацисты и фашисты 30-50-х годов, как и коммунисты сралина, точно так же проводили демонстрации и шествия, под своими символами.
И да, используемая символика на этих шествиях, не имеет никакого отношения к беларусам и беларускому, она наполнена символикой Российской Империи, её наследника СССР, да придуманными сисволами под нужды Лугандонии, Донбабве, Приднестровья и такой же, придуманной, для этих же целей и задач, фамильной, лукашенковской символикой в Беларуси, вся эта символика имеет прямое отношение к оккупационному режиму России на захваченных ею территориях и её марионеткам, которые держат власть на оккупированных Россией территориях.