У Брэсце плануюць арганізаваць сумесную вытворчасць трактароў разам з буйным індыйскім вытворцам Solis, паведамляе тэлеграм-канал Брэсцкага аблвыканкама.
Паведамляецца, што перамовы пра гэта прайшлі на прадпрыемстве «ГлобалМаш Індустрыя», якое нядаўна стала рэзідэнтам свабоднай эканамічнай зоны «Брэст». Бакі абмяркоўвалі магчымасць зборкі трактароў гэтага брэнда на мясцовых магутнасцях, а таксама вытворчасць навяснога абсталявання для іх.
Брэнд Solis належыць індыйскай кампаніі International Tractors Limited, заснаванай у 1995 годзе. Сёння гэта адзін з найбуйнейшых вытворцаў трактароў у Індыі і кампанія, якая хутка развіваецца.
Па даных кампаніі, яе прадукцыяй карыстаюцца больш за 1,8 мільёна кліентаў ва ўсім свеце, а штогод выпускаецца каля 300 тысяч трактароў магутнасцю ад 16 да 125 конскіх сіл.
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей4
Каментары