Сіноптык Дзмітрый Рабаў у эфіры тэлеканала АНТ паведаміў, што на тыдні з 22 па 28 чэрвеня анамальнай спёкі ў Беларусі не чакаецца. Надвор’е будуць вызначаць атлантычныя цыклоны, якія прынясуць дажджы, навальніцы, залевы, месцамі град і парывісты вецер.
У панядзелак, 22 чэрвеня, у большасці раёнаў пройдуць кароткачасовыя дажджы, месцамі магчымыя моцныя залевы і навальніцы. Ноччу будзе ад +14 да +20 градусаў, днём — ад +22 на поўначы да +28 на поўдні.
У аўторак, 23 чэрвеня, чакаецца пераменная воблачнасць без істотных ападкаў. Ноччу тэмпература складзе ад +12 да +17 градусаў, днём — ад +21 да +27.
У сераду, 24 чэрвеня, чарговы атмасферны фронт прынясе дажджы, залевы і навальніцы. Ноччу будзе ад +12 да +17 градусаў, днём — ад +19 да +25.
У чацвер, 25 чэрвеня, у большасці раёнаў таксама прагназуюцца дажджы і навальніцы. Ноччу чакаецца ад +13 да +17 градусаў, днём — ад +15 на поўначы да +21 на паўднёвым усходзе.
У пятніцу, 26 чэрвеня, захаваецца няўстойлівае надвор’е з лакальнымі кароткачасовымі дажджамі. Ноччу будзе ад +9 да +15 градусаў, днём — ад +17 да +22.
У суботу, 27 чэрвеня, месцамі пройдуць дажджы, у асобных раёнах яны могуць быць моцнымі. Ноччу тэмпература складзе да +12 градусаў, днём — ад +18 да +23.
У нядзелю, 28 чэрвеня, магчымыя кароткачасовыя дажджы і навальніцы. Ноччу будзе ад +12 да +17 градусаў, днём — ад +17 на паўночным захадзе да +25 на поўдні краіны.
Паводле прагнозу, тэмпература на працягу тыдня будзе блізкай да кліматычнай нормы для канца чэрвеня.
Цяпер чытаюць
Ніводзін лукашэнкаўскі СМІ і канал не выкарыстаў слова «рэтранслятары». Што гэта можа азначаць?6
Каментары