Бо бачыць у гэтым экстрэмізм.
Бо бачыць у гэтым экстрэмізм.
На ўчорашнім пасяджэнні выканкаму Беларускай федэрацыі футбола было рэкамендавана футбалістам пазбягаць нумароў на майках 14, 18, 28 і 88. Маўляў, у гэтых лічбах можа быць угледжаны расісцкі падтэкст.
14/88 — гэта вядомае шыфраванае нацысцкае вітанне. 18 — у гэтай самай шыфроўцы абазнае Адольфа Гітлера (A — першая літара, Н — восьмая).
А вось чым не спадабалася лічба 28 можна толькі здагадвацца. Хіба што два разы па 14?
Выпадак з узняццём на трыбунах такіх лічбаў узнік мінулым летам у Барысаве. Калі на сустрэчы першага кваліфікацыйнага раўнду Лігі чэмпіёнаў БАТЭ з ісландскім «Хабнаф’ёрдзюрам», фанаты паднялі шыльдачкі «14» і «88».
Генеральны дырэктар барысаўцаў Анатоль Капскі адразу ўгледзіў у гэтым фашысцкую выхадку. У выніку таго інцыдэнту моцна пацярпела групоўка фанатаў БАТЭ.
Самі ж фаны тлумачылі гэта тым, што выказвалі падтрымку футбалістаў Арцёма Радзькова (№ 14) і Агнэса Гаарана (№ 88).
Заўзятары на форумах лічаць рэкамендацыю БФФ абсурднай.
Цяпер чытаюць
Маладую беларуску пратрымалі ў расійскім СІЗА амаль 4 гады і апраўдалі. А кампенсацыю далі такую, нібыта ў твар плюнулі6
Каментары