Па словах відавочцаў, галава ў яго была разбіта да крыві.
Раварыст трапіў пад аўтобус у Мінску і з'ехаў да прыбыцця ДАІ, паведаміла старшы інспектар па агітацыі і прапагандзе АДАІ Фрунзенскага РУУС Алена Волчак.
Сёння каля 9.00 на вуліцы Гарэцкага пад рэйсавы аўтобус (маршрут № 116) трапіў веласіпедыст. Паводле кіроўцы, пацярпелы ехаў па краі праезнай часткі, злёгку віляючы з боку ў бок. Аўтобус узяў крыху ўлева і пайшоў на абгон. У гэты момант пярэдняе кола ровара трапіла ў выбоіну на дарозе, раварыст страціў кіраванне, зваліўся спачатку на борт аўтобуса, а затым на праезную частку. Пры гэтым, па словах відавочцаў, ён моцна ўдарыўся плячом і галавой (галава была разбіта да крыві).
Тым не менш, пакуль аўтобус спыняўся, пацярпелы ускочыў на ровар і з месца здарэння ўцёк.
Кіроўца выклікаў ДАІ, але інспектарам акрамя слядоў крыві на асфальце зафіксаваць не было чаго. У ДАІ разлічваюць, што пацярпелы неўзабаве абвесціцца ў адной са сталічных бальніц, бо траўмы ў яго могуць быць істотнымі.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны38
Каментары