Чым кормяць на Акрэсціна за 50 тысяч ў дзень?

Дзённы рацыён затрыманых у Менскім цэнтры ізаляцыі правапарушальнікаў каштуе 50 тысячаў. Гэтая сума ўдвая перавышае кошт рацыёна школьнікаў. Але розніца паміж турэмным ды школьным абедам істотная, прычым не на карысць першага.

У Беларусі ні дзеці ў школе, ні арыштанты не абіраюць, што сёння з’ядуць на сняданак ці абед.

Каб накарміць вучня старэйшых класаў патрэбна 25 тысячаў. Гэтак каштуе сняданак ды комплексны абед у звычанай беларускай школе. Зранку дзіцям даюць кашу, гарачы буцеброд ды гарбату. На абед школьнікі ядуць суп з хлебам, салат, кашу альбо бульбу з катлетай, а таксама традыцыйны кампот. Бываюць фрукты альбо печыва.

100 грамаў малака

Арыштанцкае меню не такое разнастайнае. Паводле турэмных нормаў, у дзень на чалавека належыць 5 грамаў мукі, 30 грамаў макаронаў, 100 грамаў мяса ды столькі ж малака, 15 грамаў солі, паўкіло бульбы ды па 200 грамаў ржанога і пшанічнага хлеба.

Ці адпавядаюць нормы рэчаіснасці, пытанне не простае нават для тых, хто па некалькі разоў трапляў на «Акрэсціна» — Менскі цэнтр ізаляцыі правапарушальнікаў.

Ці ёсць катлета катлетай?

Павал Вінаградаў, актывіст ды лідар моладзевага крыла кампаніі «Гавары праўду», 8 разоў трапляў за белыя сцены ізалятара. Справа ўнікальная, але

ён ніводнага разу і дропкі з турэмнай ежы ў рот не браў ды толькі глядзеў, чым кормяць іншых.

«Шмат разоў я бачыў паперку, што ў іх вісіць з нормамі харчавання. І без дбайнай экспертызы нельга паверыць, што напісанае адпавядае таму, што даюць. Хаця выглядае абед даволі прыстойна: катлета пахне катлетай, але суп такі… дамашнім яго не назавеш. З кашаў толькі авёс выглядае нядрэнна, усё астатняе — гаўно. Але зазначу, што ў часы дэфіцыту давалі грэчку». — успамінае Вінаградаў

Сняданак на Акрэсціна звычайна складаўся з кашаў, на вячэру — тое самае. П’юць арыштанты вадкасць колеру гарбаты,. Хлеб, які шчэ некалькі год таму звонку быў падгарэлы, а знутры — сыры, сёння стаў нармальным.

Андрэй Дзмітрыеў, які нядаўна таксама па палітычных матываў адседзеў «суткі» наракае, што турэмная пайка не адпавядае кошту:

«Калі ўявіць, што тым самым кормяць ў Беларусі дзяцей, то я гарантую, нічога добрага з іх здароўем не будзе.

Тое што завецца катлета, не адпавядае назве зусім, яе немагчыма парэзаць, гарбата там зусім не гарбата»,

Дорага ды нясмачна — чаму?

Адміністрацыя Акрэсціна віну за няякаснае харчаванне з сябе здымае: «У нас ўся ежа гатуецца ў кавярні». Што да высокіх коштаў, то параілі звяртацца ў бухгалтэрыю ГУУС Менгарвыканкама.

Харчаванне арыштантаў ажыццяўляецца паводле дамоваў, якія ўлады заключаюць са сталовымі альбо кафэ. Вядома, што

Акрэсціна абслугоўвае кафэ «Валгаград» з паўднёва-заходняга раёну сталіцы.

Паводле закону, дзяржаўны бюджэт пакрывае толькі выдаткі на ўтрыманне адміністрацыйных арыштаваных, а за харчаванне яны мусяць плаціць самі. Пасля вызвалення кожнаму, хто еў турэмную пайку, выстаўляюць рахунак. Да прыкладу,

у 2010-м годзе дзённы рацыён у Менскім ІЧУ на вуліцы Фабрыцыуса каштаваў 7 тысячаў, альбо 2 долары.

• 0
• 0
• 0
• 0
• 0
• 0
• 0
• 0