І распачала агітацыю супраць апазіцыі.
Удзел апазыцыйных сілаў у выбарах дэпутатаў палаты прадстаўнікоў нагадвае казку пра голага караля, заявіла на тэлеканале Беларусь-1 старшыня Цэнтрвыбаркама Лідзія Ярмошына. Цяжка ўявіць сабе такую заяву на адрас апазіцыі з боку арганізатараў падліку галасоў, скажам, у Германіі. А справа ў тым, што спн. Ярмошын не задаволеная вынікамі вылучэння кандыдатаў.
«Не магу сказаць, што задаволена актыўнасцю гэтага працэсу.Дзяржава пайшло на тое, каб максімальна спрасціць умовы ўдзелу ў выбарах для кандыдатаў, але, як заўсёды, згуляная казка з голым каралём», - сказала Лідзія Ярмошына.
«Асобы, якія крычаць, што не хапае свабоды і дэмакратыі, што трэба спрасціць што-небудзь, на самай справе праяўляюць зусім не вялікую актыўнасць», - працягнула старшыня Цэнтрвыбаркама. На яе думку, казаць аб тым, што выбарчая кампанія займае розумы і сэрцы палітычных сілаў Беларусі зусім не прыходзіцца.
Лідзія Ярмошына звярнула ўвагу на тое, што з 439 патэнцыйных кандыдатаў у дэпутаты, якія падалі дакументы на рэгістрацыю ініцыятыўнай групы, 95 - беспрацоўныя.«Мне, шчыра кажучы, крыўдна за нашых выбаршчыкаў, ён маюць права на больш годны выбар», - лічыць старшыня ЦВК. Дарэчы, паводле афіцыйных звестак, у краіне працу маюць усе, беспрацоўе складае ўсяго 0,6%.
Нагадаем, што пасля мінулых выбараў 6 з 10 кандыдатаў апынуліся ў турме КДБ, некаторыя з іх дагэтуль сядзяць.Ярмошына тады блаславіла разгон Плошчы. У той жа час удзел у выбарчых кампаніях ад апазіцыі ў мінулым азначаў амаль гарантаванае звальненне з працы для кандыдатаў і назіральнікаў.
Перад выбарамі-2012 улады зноў адмовіліся ўвесці норму аб празрыстым падліку галасоў.Апазіцыя прапаноўвала, каб пры падліку бюлетэні паказвалі назіральнікам, перш чым класці ў нейкі стос. Многія мяркуюць, што акурат на этапу падліку галасоў ажыццяўляюцца масавыя фальсіфікацыі народнага выбару.
У папярэдніх палатах засядалі толькі лукашэнкаўцы.Гэтыя выбары частка апазіцыі байкатуе ад пачатку, а другая частка абяцае зняць кандыдатуры прад галасаваннем, калі не выйдуць на свабоду палітычныя вязні.
Цяпер чытаюць
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч9
Каментары