Пра гэта паведаміў брат актывіста КХП БНФ Віталь Каваленка, які бачыўся з Сяргеем у Магілёўскай калоніі тры дні таму. Паводле Віталя Каваленкі, Сяргей напісаў прашэнне пад ціскам адміністрацыі калоніі:
«Казаў, што на яго ціск быў з боку адміністрацыі, да таго ж у дзяцей праблемы са здароўем.
І вось ён падпісаў, але не прызнаў сваёй віны, а толькі напісаў „Прашу мяне вызваліць“, і ўсё».
Віталь Каваленка кажа, што прашэнне Сяргей падпісаў яшчэ да прыняцця закону аб амністыі, каля месяца таму. Ніякіх дзеянняў пасля гэтага з удзелам Сяргея Каваленкі не было: яго не выклікалі на камісіі, не давалі падпісваць іншых папер. «Калі вызваляць, ён не ўяўляе, але спадзяецца, што як мага раней», — сказаў Віталь Каваленка.
Паводле Віталя Каваленкі, больш звестак пра падпісанне прашэння, магчыма, зможа паведаміць жонка Сяргея Алена, якая сёння, 27 ліпеня, вернецца дамоў пасля трохдзённага спаткання з мужам.
Цяпер чытаюць
Прапагандысты запэўніваюць, што 196 палітвязняў ужо на свабодзе5
Каментары