Mikoła Statkievič ličyć prysud nia samym ciažkim varyjantam.
«Paśla apošniaha biełaruskaha referendumu, padziejaŭ va Ŭkrainie ja dla siabie baču čatyry šlachi, — pramoviŭ Statkievič da žurnalistaŭ dy siabroŭ pa partyi, jakija sabralisia 29 lipienia ŭ ofisie, kab pravodzić jaho. — Pieršy — heta emihracyja, ja jaho adrazu adkidvaju, bo ja nikoli nia zdradžvaju ni svaim ideałam, ni svaim siabram. Druhi šlach — chimija, treci — zona, čaćvierty — kula. Z tych troch, što zastalisia, ja idu pa lohkim varyjancie. Pakul što».
Spačatku Mikołu Statkieviča raźmierkavali ŭ Krupki, rajcentar na paŭnočny ŭschod ad Miensku, adnak jaho stary baćka napisaŭ zajavu z prośbaj raźmierkavać syna bližej da miesca svajho žycharstva. Takim čynam, lider Eŭrapiejskaj kaalicyi byŭ nakiravany ŭ Baranavičy, dzie maje pravieści dva hady.
Pavał Sieviaryniec, taksama asudžany da abmiežavańnia voli, znachodzicca ŭ Viciebsku pad nahladam milicyi. U jaho ŭžo skanfiskavali pašpart i vajskovy bilet. Na 2 žniŭnia miesca, dzie Sieviaryniec budzie adbyvać pakarańnie, jašče nie było vyznačanaje.
Kamientary