30 žniŭnia Polšča śviatkavała jubilej «Salidarnaści». 25 hadoŭ tamu polskija pracoŭnyja ŭźnialisia na baraćbu za ludzkuju hodnaść i svaje čałaviečyja pravy. Biaz hetaha nia ŭpaŭ by saviecki režym i Biełaruś nie atrymała b niezaležnaść. Hołasam Biełarusi na śviatkavańni byŭ Lavon Volski. Jon uźniaŭ nad Varšavaj bieł-čyrvona-bieły ściah.
Chutka vybary
Lidzija Jarmošyna zajaviła ŭ interviju «Źviaździe», što prezydenckija vybary najchutčej što adbuducca 16 lipienia 2006 h. Staršyńka Centravybarkamu ličyć, što 100 tysiačaŭ podpisaŭ źbiaruć nia bolš za čatyry kandydaty i što vybary projduć u adzin tur. Jana taksama namiaknuła, što Centravybarkam budzie zdymać z honki kandydataŭ, jakija buduć karystacca dapamohaj z-za miažy.
Hienijuš na CD
Abvieščany konkurs na vydańnie kampakt-dysku ź pieśniami na vieršy Łarysy Hienijuš. Prajektam zajmajecca BMAgroup. U zborku ŭvojduć jak viadomyja tvory («Kriwi» — «Biełaruska», «Pieśniary» — «Kraju moj rodny», Ciareščanka — «Zapiai mnie pieśniu»), tak i pieśni maładych vykanaŭcaŭ. Zbor fanahramaŭ praciahnuty da kanca vieraśnia.
Biblija Skaryny
U Niamieččynie znojdzieny asobnik Biblii ŭ pierakładzie Skaryny. Nadrukavanaja ŭ 1517—1519 h. u Prazie kniha była vyjaŭlenaja ŭ biblijatecy Hiorlica (Saksonija) Vierchniałužyckim navukovym tavarystvam. Jana trapiła tudy ŭ 1524 hodzie. Biblija ŭklučaje ŭ siabie 1316 staronak. U śviecie viadoma 258 asobnikaŭ spadčyny Skaryny.
Chvaroba Ruhovy
Stan zdaroŭja prezydenta Kosava, 61-hadovaha piśmieńnika Ibrahima Ruhovy, rezka pahoršyŭsia. Lider kraju byŭ špitalizavany ŭ minułuju subotu z dyjahnazam «hryp» i znachodzicca ŭ amerykanskim vajskovaj bolnicy blizu Frankfurtu. Ź imiem Ruhovy, filozafa j staršyni Sajuzu piśmieńnikaŭ kraju, jaki dvojčy abiraŭsia prezydentam i za apošnija paŭtary hady pieražyŭ dva zamachi na žyćcio, źviazana nacyjanalnaje adradžeńnie Kosava. Jaho nazvali bałkanskim Handzi — za palityčnuju metu dabicca niezaležnaści Kosava niehvałtoŭnym šlacham.
AR; belta.by
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1414
Kamientary