U Rečyckim rajonie (Homielskaja vobłaść) śpiecyjalisty DVA "Biełarusnafta" pačali bureńnie samaj hłybokaj u krainie pošukava-raźviedačnaj śvidraviny. Jaje prajektnaja hłybinia — 6.680 mietraŭ, paviedamlajecca na sajcie dziaržaŭnaha vytvorčaha abjadnańnia.
Meta bureńnia — acanić pierśpiektyvy naftahazanosnaści padsolevaha i vierchniepraterazojnaha kompleksaŭ u miežach Pradrečyckaj mižsolevaj pastki. Aprača taho, 1-ja Pradrečyckaja śvidravina dazvolić vyrašyć šerah važnych hieałahičnych zadač, takich jak daśledavańnie hidrahieałahičnych i hidradynamičnych umoŭ razrezu, vyvučeńnie charaktaru nasyčeńnia kalektaraŭ płastavymi fluidami i raspaŭsiudžańnia parod-kalektaraŭ pa płoščy i razrezie.
Śvidravina budzie samaj hłybokaj nie tolki ŭ Biełarusi. Anałahaŭ joj niama i na prastory SND. U Rasii isnujuć śvidraviny takoj praciahłaści, ale jany haryzantalnyja. A 1-ja Pradrečyckaja budzie nachilena-skiravanaj, praktyčna viertykalnaj — vuhał adchileńnia 470 mietraŭ.
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary