Skandałam skončyłasia pravierka Raścianskaha doma‑internatu dla sastarełych i invalidaŭ.
Kantralorami sumiesna z abłasnym Centram hihijeny i epidemijałohii było vyjaŭlena, što tut starych i niamohłych karmili čerstvym chlebam, paili razbaŭlenym vadoj kampotam.
Akramia taho, na składzie zachoŭvalisia 55 pačak praterminavanaha majanezu, a taplonaje małako valałasia prosta na brudnaj padłozie. A vypadkova zazirnuŭšy ŭ kacioł, kantralory znajšli tam muchu. Pa vynikach pravierki ŭ Mahiloŭski abłvykankam nakiravanyja prapanovy pa vyzvaleńni šerahu słužbovych asobaŭ ad ichnich pasadaŭ.
Cikava, što jašče minułaj zimoj, u adkaz na zvarot adnaho z hramadzianaŭ, Kamitet dziaržkantrolu nakiravaŭ u hetym dom‑internat na Mahiloŭščynie pieršuju inśpiekcyju, vyniki jakoj vyklikali šokavy stan sanitarnych słužbaŭ — na charčbłoku była vyjaŭlenaja kišečnaja pałačka. Akramia taho, na praciahu ŭsiaho minułaha hoda staryja i chvoryja ludzi nivodnaha razu nie atrymali praduhledžanych normami kaŭbasnych vyrabaŭ i syru. Spažyvańnie sokaŭ trymałasia na ŭzroŭni 10% ad zapłanavanaha. A štodzionnaje mieniu farmavałasia ŭ zaležnaści ad najaŭnaści praduktaŭ na składzie. U vyniku staryja i niamohłyja praktyčna ŭvieś čas adčuvali pačućcio hoładu.
Pa vynikach toj pravierki čatyry supracoŭniki doma‑internata byli pryciahnutyja da administracyjnaj adkaznaści ŭ vyhladzie štrafa, a vosiem čałaviek atrymali dyscyplinarnyja spahnańni. Tym nie mienš, vysnovaŭ zroblena nie było.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary