U suviazi z mocnymi marazami Dziaržaŭtainśpiekcyja zaklikaje aŭtamabilistaŭ pa mahčymaści ŭstrymacca ad pajezdak na asabistym transparcie, asabliva na dalokija adlehłaści.Ab hetym havorycca ŭ paviedamleńni ŭpraŭleńnia DAI MUS Biełarusi.
Dziaržaŭtainśpiekcyja nahadvaje, što ŭ vypadku krajniaj nieabchodnaści adpraŭlacca ŭ darohu nieabchodna tolki dakładna pravieryŭšy aŭtamabil i pierakanaŭšysia ŭ jaho techničnaj spraŭnaści, kab nie apynucca na trasie ŭ niepryjemnaj situacyi. Asabliva heta tyčycca aŭtamabilaŭ z dyzielnym ruchavikom: mnohija ź ich «zamiarzajuć» prosta padčas ruchu.
DAI zaklikaje taksama ŭ darozie nie zabyvać ab pavyšanych mierach biaśpieki,vybirać chutkaść ruchu z ulikam stanu prajeznaj častki, pavialičyć dystancyju i bakavy intervał, paźbiahać lubych rezkich ruchaŭ i manieŭraŭ. Nie zabyvać pryšpilvacca, być vielmi ŭvažlivymi pry prajeździe piešachodnych pierachodaŭ.
Tamu pierachodzić prajeznuju častku nieabchodna tolki va ŭstanoŭlenych miescach, pierakanaŭšysia, što vadzicieli paśpieli spynicca. U ciomny čas sutak abaviazkova abaznačyć siabie śviatłoadbiŭnymi elemientami.Piešachodam DAI nahadvaje, što aŭtamabil na ślizkaj darozie časam nie maje techničnaj mahčymaści svoječasova spynicca.
Praca asabovaha składu
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary