Kamitet Biełaruskaj fiederacyi futboła pa statusie futbalistaŭ na pasiadžeńni 22 studzienia dazvoliŭ hałkipieru barysaŭskaha BATE pakinuć kłub z vypłataj kampiensacyi ŭ pamiery 180 tys. dołaraŭ ZŠA.
Najlepšy futbalist Biełarusi 2011 hoda Hutar źviarnuŭsia ŭ BFF u suviazi z tym, što ŭ
BATE vystupiŭ z zajavaj, u jakoj vykazaŭ niazhodu z rašeńniem fiederacyi. «Na naš pohlad, kamitet pa niezrazumiełych pryčynach nie ŭziaŭ pad uvahu ci niapravilna tłumačyŭ šerah jurydyčna značnych arhumientaŭ z boku FK BATE, bieź jakich niemahčymaje vyniasieńnie abhruntavanaha i spraviadlivaha rašeńnia. Bolš udumlivy razhlad hetych arhumientaŭ pavinien byŭ karennym čynam źmianić vierdykt», — havorycca ŭ zajavie.
«Pavodle rehłamientujučych dakumientaŭ heta suma ŭ lubym vypadku pavinna być nie mienšaja za ahulnuju sumu zarabotnaj płaty hulca za termin, što zastaŭsia pa kantrakcie. Zajaŭlenaja ž kamitetam suma značna nižejšaja. Da taho ž u hetaj situacyi pavinny być uličanyja padatki, jakija kłub vypłačvaŭ za Hutara», — ličać u BATE.Akramia taho, pavodle mierkavańnia kłuba, suma kampiensacyi, praduhledžanaja rašeńniem kamiteta, «padličana nieefiektyŭna».
Kłub budzie abskardžvać rašeńnie kamiteta ŭ futbolnym arbitražy. Paśla atrymańnia matyvirovačnaj častki rašeńnia FK BATE padrychtuje apielacyju.Kali jana nie budzie zadavolenaja, kłub źvierniecca ŭ mižnarodny spartyŭny arbitražny sud u Łazanie.
«Što da Alaksandra, to jon, parušyŭšy adnosiny z kłubam, jaki vychavaŭ jaho, sapsuje sabie karjeru, bo ŭ najbližejšyja miesiacy, a moža być, i hady, jaho čakajuć pastajannyja razbory ŭ roznych instancyjach», — havorycca ŭ zajavie.
Kamientary