Ahulnaje salda zamiežnaha handlu tavarami za 2012 skaciłasia ŭ minus.
Pavodle źviestak Biełstata,
admoŭnaje salda zamiežnaha handlu tavarami za 2012 hod skłała minus $412,7 miljona,
što na $656,3 miljona mienš, čym za studzień-listapad. Śniežań staŭ samym pravalnym miesiacam za hod.
Admietna, što paśla pieršaha paŭhodździa salda za košt handlu rastvaralnikami składała plus $2 miljardy. Rasija nazvała toj rastvaralnikavy biznes kantrabandaj i spyniła jaho.
Za druhoje paŭhodździe 2012 hoda ekanomika faktyčna prajeła $2,5 miljarda.
Apošnija piać miesiacaŭ u siarednim admoŭnaje salda składała pa paŭmiljarda dalaraŭ.
Varta paraŭnać hetuju situacyju z 2011 hodam. Tady za čatyry miesiacy pierad devalvacyjaj kraina zhubiła na handli ažno $3,2 miljarda — u siarednim pa $800 štomiesiac. Simptomy tyja ž, ale nie takija zapuščanyja.
Salda handlu pasłuhami za śniežań budzie padličana paźniej.
Jak i ŭ papiarednija miesiacy, jany budzie stanoŭčym, ale dla abjektyŭnaści da ličbaŭ ahulnaha salda treba dadać pamier mytaŭ, spłačanych Biełaruśsiu ŭ rasijski biudžet.
Naprykład, u śniežni viernutyja myty skłali $349,4 miljona.
Kamientary