Zubrycie pramovy Łukašenki

U Akademii kiravańnia pramovy prezydenta ŭklučyli ŭ ekzamenacyjnyja pytańni dla pastupajučych. Kamentuje Siarhiej Bohdan.

Ajčynnaja palitalohija viartajecca da savieckich časoŭ. Idealahičnyja pytańni zajmajuć usio bolšaje miesca ŭ navučalnych prahramach pa pradmiecie. Niekali savieckija hramadaznaŭcy vyvučali pa pracach hieneralnych sakrataroŭ pytańni navukovaha kamunizmu. Siońnia ŭ dziaržaŭnaj kuźni kadraŭ — Akademii kiravańnia — prapanujuć, vyvučać vystupy prezydenta.

Chaj ludzi ŭbačać vašymi vačyma
Dasyłajcie na [email protected] vašy fatazdymki. Źmiaščajcie narodnyja naviny. Paviedamlajcie pra pilnyja zdareńni na telefony
(029) 707-73-29,
(029) 613-32-32,
(017) 284-73-29
Chaj ludzi vas pačujuć!

Voś prykłady ekzamenacyjnych pytańniaŭ z «Spravočnoho posobija dla postupajuŝich v aśpiranturu» (Aŭt.‑skład. V.N.Kryŭcoŭ, Ł.F.Miadźviedzieva. — Miensk: Akademija kiravańnia pry priezydentu Respubliki Biełaruś, 2006. — 96 s.). Adkryjem śpis dla specyjalnaści 23.00.01 «Teoryja palityki, historyja i metadalohija palityčnaje navuki» (s. 70‑72):

Pytańnie №28 — «Niedziaržaŭnyja instytuty ŭ palityčnaj systemie. Vystup prezydenta Respubliki Biełaruś Alaksandra Ryhoraviča Łukašenki na piatym źjeździe Federacyi prafsajuzaŭ Biełarusi 20.09.2005».

Pytańnie № 32 — «Hramadzkija abjadnańni i ruchi. Vystup prezydenta Respubliki Biełaruś na 39‑m źjeźdie BRSM 23.09.2005»

Pytańnie № 58 — «Miesca Respubliki Biełaruś u źmienlivaj palityčnaj struktury śvietu. Vystup prezydenta Respubliki Biełaruś A.R. Łukašenki na 60‑j sesii Hieneralnaj Asamblei AAN 15.09.2005»

Pytańnie № 60. — «Pasłańnie prezydenta Respubliki Biełaruś A.R. Łukašenki biełaruskamu narodu i Nacyjanalnamu schodu Respubliki Biełaruś (2006)»

Viedać prezydenckuju mudraść pavinny i budučyja aśpiranty inšych specyjalnaściaŭ, što majuć niejkaje dačynieńnie da palitalohii, a ŭ ekzamenacyjnych pytańniach dla ich prysutničajuć hetyja samyja ci padobnyja pytańni. U śpisach litaratury da pytańniaŭ taksama poŭna idealahičnych krynicaŭ. Cikava, praŭda, što ŭ ekzamenacyjnych pytańniach zhadvajucca tolki čatyry zhadanyja pramovy.

Vidać, jany, na dumku ŭkładalnikaŭ, nosiać universalny i viečny charaktar. Pavodle vystupu prezydenta na Hienasamblei AAN, treba razhladać nia tolki miesca Biełarusi ŭ śviecie, ale i vykarystoŭvać dla razhladu takich, naprykład, pytańniaŭ, jak «Problemy hłobalizacii i raźličnyje aśpiekty etoho prociessa», a taksama «Hłobalnyje problemy sovriemiennosti. Suŝnosť i kritierii vydielenija» (u abodvuch vypadkach druhaja častka pytańnia — heta zhadany vystup).

Systematyčnaści vyvučeńnie tvorčaści prezydenta nia maje — vykarystoŭvajucca tolki čatyry vystupy, dyj toje try ź ich padazrona blizkija pa časie adzin da adnaho.

Niebiaśpiečna toje, što takija ekzamenacyjnyja pytańni ŭvohule akazałasia mahčymym skłaści, zaćvierdzić i vykarystoŭvać. I sprava nia ŭ našym staŭleńni da prezydenta, ale ŭ NAVUCY.

Vystupy prezydenta, pry ŭsioj pavazie, nia mohuć być zamienaj navukovych pracaŭ pa palitalohii. Inakš kažučy, my znoŭ bačym nastupstvy zachavańnia savieckaj systemy adukacyi i navuki, tatalitarnaj i kańjunkturnaj pa svajoj sutnaści.

Nivodzin sumlenny navukoviec nie dazvolić sabie dapasoŭvać svaju akademičnuju dziejnaść da nieakademičnych metaŭ — aby dahadzić niekamu. Kali ŭ krainie źjaŭlajucca hatovyja da taho ludzi, heta aznačaje pačatak zaniapadu navuki ŭ hetaj dziaržavie. A ŭrešcie i samoj dziaržavy. Kali štukarstvy mahčymyja ŭ palitalohii, značyć, jany mohuć mieć miesca i ŭ inšych navukach. I tam straty, jak my ŭžo viedajem z savieckich časoŭ, moža być kudy bolšymi — śmiercianosnyja śvinakompleksy, vybuchovaniebiaśpiečnyja AES.

Takoje staŭleńnie da navuki vyrakaje na pravał madernizacyjnyja namahańni režymu, bo madernizacyja — heta prynamsi racyjanalnaść i navuka. Nie vyvučeńnie pramovaŭ i cytataŭ pravadyroŭ. Park vysokich technalohijaŭ nie zbuduješ na cytatnikach.

• 0
• 0
• 0
• 0
• 0
• 0
• 0
• 0