U Minsku taksama malilisia za achviaraŭ avijakatastrofy pad Smalenskam
10 krasavika, u treciuju hadavinu avijakatastrofy pad Smalenskam, u minskaj archikatedry pamalilisia za achviaraŭ trahiedyi. Śviatuju Imšu ŭznačaliŭ Mitrapalit Tadevuš Kandrusievič.
U hamili ijerarch nahadaŭ, što vielikodny čas, jaki ciapier pieražyvaje Katalicki Kaścioł, źjaŭlajecca časam razvažańnia nad tajamnicaj zbaŭleńnia praź śmierć i ŭvaskrasieńnie Chrysta.
«Mienavita praŭda źmiortvychpaŭstańnia Chrysta źjaŭlajecca harantyjaj žyćcia viečnaha. Jana vučyć nas, što sa śmierciu čałavieka jaho žyćcio nie zaviaršajecca, a vuzieńkaja ściežka da mahiły — heta nie apošni šlach čałavieka, bo pierad im viečnaść», — padkreśliŭ arcypastyr.
«Siońnia ŭspaminajem achviaraŭ smalenskaj katastrofy, jakaja adbyłasia try hady tamu ŭ
Katynski les akazaŭsia niehaścinnym: u im znajšli miesca apošniaha prytułku dziasiatki tysiač ludziej, da jakich dałučylisia 96 achviaraŭ avijakatastrofy,— praciahvaŭ ijerarch. — Jany lacieli na miesca katynskaj trahiedyi, kab tam pamalicca, ale nie zmahli, bo sami zahinuli. Prezident Polščy Lech Kačynski z žonkaj, ministry, parłamientaryi, katalicki i pravałaŭny biskup i śviatary. Čamu? My adkazu nie viedajem. Heta tajamnica, jakuju viedaje tolki Boh, i Jaho miłasernaści my daviarajem zahinuŭšych».
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1313
Kamientary