Pažarnyja nie zmahli svoječasova dajechać da achoplenaj ahniom psichijatryčnaj balnicy ŭ padmaskoŭnym pasiołku Ramienskim z-za zakrytaj račnoj pierapravy. Ratavalniki patracili na darohu hadzinu zamiest 20 chvilin.
Bližejšaja da balnicy pažarnaja častka znachodzicca ŭ 42 kiłamietrach. U pasiołak da hetaha času niemahčyma było trapić napramuju ź Dźmitraŭskaj šašy i zakrytuju pierapravu prychodzicca abjazdžać praź Dźmitraŭ.
Paźniej kiraŭnik padmaskoŭnaha ŭpraŭleńnia MNS Ihar Panin rastłumačyŭ, što pierapravu raźviali z-za pavodki. «Pieraprava nie razburana, jana była raźviedzienaja ŭ suviazi z tym, što padniałasia vada», — dadaŭ jon.
Pažar ŭ psichijatryčnym špitali adbyŭsia ŭnačy 26 krasavika. Zahinuła 36 čałaviek. U toj ža čas RIA Naviny sa spasyłkaj na MNS paviedamlaje pra 38 zahinułych.
Pa źviestkach viedamstva, u momant pažaru ŭ balnicy znachodziłasia 38 pacyjentaŭ i troje supracoŭnikaŭ ustanovy. Vyratavacca ŭdałosia tolki trom: miedsiastry i dvum chvorym.
Mnohija pacyjenty zahinuli ŭ śnie.
Pakul ratavalnikam udałosia znajści cieły 13 čałaviek.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary