Načnomu kłubu Vierasa Akulina pahražaje štraf da 10 miljonaŭ rubloŭ za rekłamu ałkaholu
Była abvieščana akcyja: kupi butelku ałkaholu i atrymaj druhuju biaspłatna.
Ministerstva handlu paviedamiła, što vyniesła pradpisańnie ab spynieńni rekłamy ŭ načnym kłubie «Bar Blackhall», jaki naležyć Vierasu Akulinu.
U kłubie prachodziła akcyja: pry kupli butelki luboha ałkaholnaha napoju naviedvalnik kłuba atrymlivaje druhuju butelku ŭ padarunak. U vyniku uładalnikam kłuba parušanyja patrabavańni Zakona ab rekłamie: zabarona na praviadzieńnie rekłamnych mierapryjemstvaŭ u metach stymulavańnia realizacyi ałkaholnych napojaŭ, a rekłama dziejnaści, ažyćciaŭleńnie jakoj zabaroniena.
Viadziecca praca pa pryciahnieńni parušalnika da administracyjnaj adkaznaści pa častcy 2 artykuła 12.26 KaAP Respubliki Biełaruś, jaki praduhledžvaje štraf u pamiery ad 5 da 10 miljonaŭ rubloŭ.
* * *
Bar Blackhall — bar na 1000 naviednikaŭ, jaki adkryŭsia ŭ budynku zavoda «Haryzont» u Minsku.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary