Płanyeks-kandydata ŭ prezidenty Biełarusi Dźmitryja Usa pa stvareńni novaj partyi niekalki źmianilisia. Zamiest Partyi biźniesu jon maje namier stvaryć Partyju pracoŭnych.
Ab płanach stvaryć Partyju biźniesu pradprymalnik Dźmitryj Us zajaviŭ try miesiacy tamu. U pačatku červienia jon paviedamiŭ pra toje, što ŭstanoŭčy źjezd novaj partyi moža adbycca ŭžo vosieńniu.
Jak rastłumačyŭ Us,
źmianić nazvu jon vyrašyŭ z tych mierkavańniaŭ, što Partyja pracoŭnych (abo Partyja pracy, kančatkovaja nazva pakul nie vyznačana) zmoža pryciahnuć bolš prychilnikaŭ.
Pa słovach Usa, statut novaj partyi ŭžo hatovy, viadziecca padrychtoŭka da praviadzieńnia źjezda. Terminy jaho praviadzieńnia pakul nie vyznačany
Jon taksama paviedamiŭ, što mety i zadačy budučaj partyi adpaviadajuć z metami stvaranaha Jeŭrazijskaha sajuza.«Libieralizacyja ekanomiki, pryvatnaja ŭłasnaść, pierachod ad płanavaj ekanomiki da rynkavaj, stvareńnie ŭmoŭ dla inviestycyj i biźniesu ŭ našaj krainie», — pieraličyŭ niekatoryja ź ich Dźmitryj Us.
Palityk padkreśliŭ, što jaho budučaja partyja vystupaje za jeŭrazijskuju intehracyju, a stvareńnie Jeŭrazijskaha sajuza — heta adzin z pryjarytetaŭ pieradvybarnaj prahramy Uładzimira Pucina.Takim čynam, kali biełaruskija ŭłady nie zarehistrujuć novuju partyju, «heta budzie pramaja aplavucha rasijskamu prezidentu», — zajaviŭ Us.
***
Nahadajem, Dźmitryj Us, pryznany vinavatym u arhanizacyi masavych biesparadkaŭ u Minsku 19 śniežnia 2010 hoda i asudžany na piać z pałovaj hadoŭ pazbaŭleńnia voli ŭ kałonii ŭzmocnienaha režymu, byŭ vyzvaleny 1 kastryčnika 2011 h. na padstavie ŭkaza Alaksandra Łukašenki ab pamiłavańni. Pa słovach Usa, prašeńnia ab pamiłavańni jon nie padavaŭ.
Kamientary