U liście jany patrabujuć ad biełaruskich uładaŭ: «nieadkładnaha vyzvaleńnia Uładzisłava Baŭmhiertniera, a taksama ŭsich palitviaźniaŭ, usich viaźniaŭ, niespraviadliva asudžanych i tych, što siadziać u biełaruskich turmach za ekanamičnyja złačynstvy pa sfabrykavanaj kryminalnaj spravach».
Padpisanty vystupajuć suprać palityčnaj handlu ludźmi, jak pa ekanamičnych, tak i pa palityčnych pryčynach i zadajucca pytańniami: «Čamu vykarystoŭvaŭsia padman na vyšejšym dziaržaŭnym uzroŭni? Čamu biełaruskija ŭłady pajšli na toje, kab pryvabić Baŭmhiertniera u krainu dla praviadzieńnia aficyjnych pieramovaŭ, a zamiest hetaha aryštavali jaho i pradjavili abvinavačvańnie, faktyčna zrabiŭšy svaim zakładnikam?
Ź jakoj nahody paśla zachopu Baŭmhiertniera biełaruskija ŭłady vyłučajuć istotnyja majomasnyja pretenzii da Rasii, a taksama faktyčna patrabujuć źmianić ułaśnika najbujniejšaj rasijskaj kampanii?»..
Jany zaklikajuć rasijskuju hramadskaść, kaleh i siamju Uładzisłava Baŭmhiertniera padtrymać ich patrabavańni da Łukašenki.
Michalevič, Karač i Marozaŭ zaraz časova pražyvajuć pa-za miežami Biełarusi.
***
Kiraŭnika «Urałkalija» Uładzisłava Baŭmhiertniera zatrymali 26 žniŭnia ŭ minskim aeraporcie paśla sustrečy z premjeram Michaiłam Miaśnikovičam.
Śledčy kamitet Biełarusi zajaviŭ, što hiendyrektar «Urałkalija» nanios škodu nacyjanalnym intaresam Biełarusi. Baŭmhiertnieru vystaŭlenaje abvinavačańnie va złoŭžyvańni ŭładaj i słužbovymi paŭnamoctvami. Jamu pahražaje da 10 hadoŭ pazbaŭleńnia voli z kanfiskacyjaj majomaści. Śledčy kamitet paviedamiŭ, što straty pa spravie Biełaruskaj kalijnaj kampanii aceńvajucca na 100 młn dalaraŭ. Baŭmhiertnier znachodzicca ŭ śledčym izalatary KDB.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary