Łukašenka pra devalvacyju: Našy niehadziai, «śviadomyja», plavuzhajuć jazykami ŭ ŚMI i mohuć da jaje pryvieści
Budučynia rubla zaležyć ad pavodzin pradpryjemstvaŭ i naroda, skazaŭ jon.
Pytańnie devalvacyi nacyjanalnaj valuty siońnia nie staić, — zajaviŭ Alaksandr Łukašenka ŭ Žłobinie, adkazvajučy na pytańni žurnalistaŭ.
«Navošta stavić zadaču abiascenić, devalvavać nacyjanalnuju valutu? Napeŭna, nivodny kiraŭnik takoj zadačy pierad saboj nie stavić. Naadvarot, nam treba ad jaje syści», — skazaŭ jon.
Łukašenka nahadaŭ, što ŭžo kazaŭ, što ŭ krainie nie budzie štučna padtrymlivacca biełaruski rubiel, jak i inšyja valuty ŭ vypadku ŭmacavańnia biełaruskaha rubla. Pavodle jaho słoŭ, usio budzie zaležać ad popytu i prapanovy.
Jon zaŭvažyŭ, što hetaja prablema całkam znachodzicca ŭ rukach pradpryjemstvaŭ i naroda.
«Kali vy budziecie biehać z ranicy da viečara pa abmiennych punktach i skuplać valutu, kali subjekty haspadarańnia i banki buduć spać i bačyć, što projdzie devalvacyja, niechta na hetym vyjhraje, buduć sparadžacca čakańni, a našy niehadziai, "śviadomyja", jakija "plavuzhajuć" jazykami va ŭsich ŚMI, narod buduć padahravać, a vy budziecie ich słuchać i znoŭ biehčy ŭ abmieńniki — hospad vam u šlach, značyć, vy sami pryviadziecie da taho, što asłabicie nacyjanalnuju valutu», — skazaŭ jon.
«Budzie vialiki popyt na valutu — budzie abiasceńvacca biełaruski rubiel, nie budzie hetaha popytu — spakojnaja budzie situacyja, spakojna vyjdziem z hetaha stanovišča», — skazaŭ jon.
Alaksandr Łukašenka adznačyŭ, što dziaržava budzie vykarystoŭvać usie instrumienty, kab nie dapuścić rezkich vahańniaŭ kursa.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary