Biełdziaržuniviersitet płanuje da 1 śniežnia zaviaršyć aptymizacyju štatnaj kolkaści rabotnikaŭ i pryvieści jaje ŭ adpaviednaść z typavymi normami, pryniatymi Ministerstvam adukacyi. Ab hetym paviedamiŭ rektar VNU Siarhiej Abłamiejka 30 vieraśnia na pašyranym pasiadžeńni Savieta BDU.
Nahadajem, pastanovaj Minadukacyi № 43 ad 10 lipienia 2013 hoda ŭ Biełarusi ŭpieršyniu zaćvierdžany typavyja štaty dla vyšejšych navučalnych ustanoŭ. Štatnaja kolkaść słužačych VNU ciapier budzie vyznačacca zychodziačy z kolkaści studentaŭ pa stanie na 1 studzienia i narmatyvu. Tak, dla techničnych śpiecyjalnaściej ustanoŭleny narmatyŭ 8,5 studenta na adnaho słužačaha, dla humanitarnych — 12 da adnaho.
Jak adznačyŭ Abłamiejka, BDU «adroźnivajecca ad typavoha ŭniviersiteta». «U nas vielmi šmat roznych centraŭ, łabaratoryj i inšych unikalnych struktur, jakija znachodziacca za miežami typavoha ŭniviersiteta», — padkreśliŭ jon. Pavodle słoŭ rektara, viadziecca rabota ź Minadukacyi ab uviadzieńni rabotnikaŭ hetych struktur u štat univiersiteta.
Abłamiejka adznačyŭ, što ciapier vyrašajecca pytańnie ab pamianšeńni kolkaści vučebnych łabaratoryj šlacham ich ab`iadnańnia. «U nas amal na kožnaj kafiedry jość łabaratoryi, u jakich časta pracuje zahadčyk i jašče adzin-dva čałavieki, i kolkaść kirujučych rabotnikaŭ nieabchodna skaracić», — patłumačyŭ jon. Zhodna z typavym štatam, ich kolkaść nie pavinna pieravyšać 20%, adznačyŭ rektar, adnak hety pakazčyk vyšejšy, i ciapier idzie praca pa jaho skaračeńni.
Akramia taho, adznačyŭ Abłamiejka, Minadukacyi zapatrabavała skaračeńnia kolkaści štatnych adzinak mietadystaŭ.
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna10
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary