Pad Mazyrom «MAZ» z druzam źnios aharodžu i zavis na moście cieraz Prypiać
Hruzavik z dapamohaj krana vyciahnuli ratavalniki.
4 kastryčnika ratavalniki z dapamohaj krana vyciahnuli aŭtamabil «MAZ» z druzam, jaki zavis na aŭtamabilnym moście cieraz Prypiać u rajonie vioski Noviki pad Mazyrom.
Hružany druzam «MAZ», jaki jechaŭ u bok Homiela, źnios prykładna dva dziasiatki mietraŭ aharodžy mosta, pierajechaŭ piešachodnuju darožku, pieramachnuŭ cieraz parenčy i zavis u pavietry piarednimi kołami i kabinaj, paviedamiŭ BiełaPAN pres-sakratar Homielskaha abłasnoha ŭpraŭleńnia MNS Rusłan Habryloŭ.
Supracoŭniki MNS ustanavili kran pasiaredzinie mosta i viarnuli aŭtamabil u zychodnaje stanovišča. Nichto nie paciarpieŭ. Pryčyny DTZ vyśviatlajucca.
U Homielskaj vobłaści za apošni miesiac nadzvyčajnyja zdareńni na mastach cieraz reki praktyčna štotydniova fihurujuć u zvodkach.
Tak, 1 kastryčnika ź piešachodnaha mosta ŭ Homieli skočyŭ samazabojca. 27-hadovaha biespracoŭnaha vyratavali supracoŭniki «Asvoda».
U pačatku vieraśnia tam ža rasijanka skinuła ŭ raku svaju piacihadovuju dačku, a zatym skočyła ŭ vadu sama. Maci i dzicia vyratavali.
Praz tydzień paśla hetaha vypadku ŭ Homieli ŭ Sož z mosta kinułasia miascovaja žycharka, jakuju vyratavali rabotniki «Asvoda».
Ciapier čytajuć
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?42
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary