Kryminalnaja sprava ab kradziažy srodkaŭ, nakiravanych na rekanstrukcyju Nacyjanalnaha akademičnaha teatra imia Janki Kupały ŭ Minsku, naŭrad ci zakranie kiraŭnictva teatra i supracoŭnikaŭ Ministerstva kultury Biełarusi. Takoje mierkavańnie vykazaŭ ministr kultury Barys Śviatłoŭ.
Pavodle słoŭ Śviatłova, jon čuŭ ab raspačynańni kryminalnaj spravy ŭ dačynieńni da niejkaha supracoŭnika kampanii «Biełmašservis», jakaja zajmajecca vyrabam i pastaŭkaj ofisnaj mebli i ŭdzielničała ŭ rekanstrukcyi teatra, adnak padrabiaznaściaŭ nie viedaje.
Na minułym tydni niekatoryja ŚMI paviedamili, što Śledčy kamitet raspačaŭ na padstavie č. 4 art. 209 Kryminalnaha kodeksa (machlarstva, učynienaje arhanizavanaj hrupaj abo ŭ asabliva bujnym pamiery) u dačynieńni da słužbovaj asoby pradpryjemstva «Biełmašservis». Sprava nibyta raspačata na padstavie materyjałaŭ pravierki Kamiteta dziaržaŭnaha kantrolu (KDK) i hałoŭnaha ŭpraŭleńnia pa baraćbie z ekanamičnymi złačynstvami (HUBEZ) MUS.
Paviedamlałasia, u pryvatnaści, što ŭ mai hetaha hoda padazrony machlarskim šlacham zavałodaŭ 400 młn. rubloŭ sa srodkaŭ, vydzielenych AAT «Abjadnanaja dyrekcyja abjektaŭ, što budujucca» (znachodzicca ŭ padparadkavańni Minkultury) na restaŭracyjna-adnaŭlenčyja raboty ŭ Kupałaŭskim teatry. Tak, pavodle danych KDK, u teatr była zakuplena mebla ahulnym koštam u 3,6 młrd. rubloŭ pa zavyšanaj canie: naprykład, kresła ŭ kabiniet dyrektara za 41 młn. rubloŭ.
2 kastryčnika Alaksandr Łukašenka abjaviŭ vymovu vice-premjeru Anatolu Kalininu i byłomu ministru kultury, nadzvyčajnamu i paŭnamocnamu pasłu Biełarusi ŭ Francyi Paŭłu Łatušku «za niepryniaćcie naležnych mier pa vykanańni daručeńniaŭ kiraŭnika dziaržavy pa rekanstrukcyi i restaŭracyi budynka Nacyjanalnaha akademičnaha teatra imia Janki Kupały, jakoje paciahnuła pavieličeńnie terminaŭ uvodu abjekta ŭ ekspłuatacyju i parušeńni ŭ vykarystańni biudžetnych srodkaŭ».
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki29
Kamientary