Zamiest vulicy Mytnaj moža źjavicca Tamožnaja.
Brescki harvykankam abjaviŭ hramadskaje abmierkavańnie nazvy novaj vulicy, piša «Briestskaja hazieta».
Vulica, pytańnie pra nazvu jakoj pavinna vyrašycca ŭ bližejšy čas, pačynajecca ad skryžavańnia praśpiekta Mašerava i vulicy Zubačova, prachodzić pa moście Zachodniaha abchodu, pierasiakaje Varšaŭskuju šašu i ŭlivajecca ŭ Kovielskuju.
Źjaviłasia jana paśla zakančeńnia budaŭnictva pieršaj čarhi Zachodniaha abchodu i novaha mosta praz raku Muchaviec.
Nahadajem, što 11 vieraśnia na bryfinhu načalnik Bresckaj mytni Leanid Dosaŭ zajaviŭ: «Siońnia sotni vulic u Breście, i niama vulicy Tamožiennoj, abo niama vulicy Mytnaj. Učora mnie Pałyšankoŭ Alaksandr Siarhiejevič (staršynia Bresckaha harvykankama — nn.by) jašče raz paćvierdziŭ, što budzie vulica Mytnaja.
Viadoma, heta budzie nie centralnaja vulica, heta vyklučana. Ale nievialikaja vulica ŭ rajonie miažy, tam, dzie Varšaŭski most i novabudoŭli, budzie Mytnaja. Heta vielmi doŭhaja pracedura, pytańnie prapracoŭvajecca. Ale my chacieli b da 75-hodździa».
Na sajcie Bresckaha harvykankama paviedamlajecca, što haradskija ŭłady padtrymali inicyjatyvu mytnikaŭ i ŭchvalili nazvu novaj vulicy na biełaruskaj movie — «Tamožnaja», na ruskaj movie — «Tamožiennaja».
Ułady prapanoŭvajuć žycharam horada Bresta pryniać udzieł u hramadskim abmierkavańni nazvy vulicy, jakoje budzie doŭžycca da 20 śniežnia 2013 hoda.
Z prapanovami haradžan na čarhovaj siesii buduć aznajomlenyja deputaty Bresckaha haradskoha Savieta deputataŭ, na siesii budzie pryniata rašeńnie ab naźvie vulicy.
Ciapier čytajuć
Paśla ŭltymatumu Zialenskaha retranślatary adklučyli? Apošnija dni rasijskija bieśpiłotniki nie nakiroŭvajucca ŭzdoŭž biełaruska-ŭkrainskaj miažy15
Kamientary