U Italii aryštavanaja biełaruska, jakuju vinavaciać u vykradańni dački
Hramadzianka Biełarusi, 41-hadovaja Volha Krutalova, aryštavanaja palicyjaj u horadzie Monca (Italija).
Jak paviedamiła rasijskaje infarmacyjnaje ahienctva Novy rehijon 2, žančynu abvinavačvajuć u vykradańni ŭłasnaj dački, vaśmihadovaj Rebieki, 29 sakavika 2012 hoda z sacyjalnaj struktury dla časovaha ŭtrymańnia niepaŭnaletnich. Paśla skasavańnia šlubu Volhi Krutalovaj i hramadzianina Italii Łarenca Dondzi pa rašeńni suda da vyniasieńnia kančatkovaha vierdyktu dzicia było časova pieradadzienaje pad apieku rabotnikaŭ sacyjalnych słužbaŭ.
Paśla vykradańnia dački Rebieki maci, jak miarkujecca, niezakonna vyviezła jaje ź Italii ŭ Biełaruś.
Zaraz miescaznachodžańnie dački nieviadomaje. Jaje baćka nieadnarazova źviartaŭsia praz teleefir prahramy «Chto ich bačyŭ» (anałah rasijskaj «Čakaj mianie») z zaklikam dapamahčy jamu adšukać dačku, adnak biezvynikova.
Rebieka i jaje maci byli abjaŭlenyja ŭ mižnarodny vyšuk. Paśla viartańnia žančyny ŭ Italiju jana była aryštavanaja.
Kali budzie dakazany ŭdzieł žančyny ŭ vykradańni i vyvazie za miažu niepaŭnaletniaj, jana ryzykuje sieści za kraty na praciahły termin.
U pres-słužbie MZS Biełarusi zajavili, što biełaruscy «biezumoŭna budzie akazanaja konsulskaja dapamoha». Taksama buduć vyvučacca detali hetaj spravy.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary