Jon naradziŭsia 10 studzienia 1934 h. u Vialikim Žycinie, što siońnia ŭ Rovienskaj vobłaści. Baćka Leanida Makaraviča zahinuŭ u 1944 h. na froncie i pachavany ŭ brackaj mahile ŭ Biełarusi.
Leanid Kraŭčuk u 1990—1991 hh. byŭ staršynioj Viarchoŭnaj Rady Ukrainy, abrany prezidentam Ukrainy 1 śniežnia 1991 h. na pieršych pramych prezidenckich vybarach. 8 śniežnia 1991 h. padpisaŭ razam sa Stanisłavam Šuškievičam i Barysam Jelcynym znakamityja Biełaviežskija pahadnieńni, jakija pastavili kropku ŭ historyi SSSR.
22 žniŭnia 1992 h. u Kijevie apošni prezident UNR Mikałaj Płav́juk pieradaŭ rehalii UNR Kraŭčuku, a taksama hramatu, što niezaležnaja Ukraina źjaŭlajecca pravapierajemnicaj Ukrainskaj Narodnaj Respubliki. Kraŭčuk prajhraŭ u 1994 h. na daterminovych vybarach Leanidu Kučmu.
Ź jubilejem Ł. Kraŭčuka pavinšavaŭ siońnia prezident Ukrainy Viktar Janukovič: «Jak patryjot i mudry palityk Vy zrabili ŭsio, kab naša kraina atrymała mižnarodnaje pryznańnie i ažyćciaviła pieršačarhovyja kroki na šlachu farmiravańnia samastojnaj niezaležnaj jeŭrapiejskaj dziaržavy».
Na sajcie Łukašenki pakul nijakich vinšavańniaŭ Kraŭčuka ź jubilejem pakul niama.
Ale pavinšavaŭ pieršaha prezidenta Ukrainy Stanisłaŭ Šuškievič. «Leanid Kraŭčuk — adzin z tych, z kim my ŭ Biełaviežskaj puščy zrabili dobruju spravu. Jon hodna zmahaŭsia za niezaležnaść Ukrainy. Vinšuju jaho z 80-hodździem i žadaju dalejšych pośpiechaŭ», — zajaviŭ S.Šuškievič.
Kamientary