Kiraŭnik polskaha ŭrada Donald Tusk padčas svaich sustreč ź lidarami Jeŭrapiejskaha Sajuza na hetym tydni papiaredžvaje ich ab mahčymym «čornym scenaryi» raźvićcia padziej va Ukrainie.
Na jaho dumku, va Ukrainie moža mieć miesca abvastreńnie kanfliktu paśla zaviaršeńnia Zimovych Alimpijskich hulniaŭ u Rasii paśla 23 lutaha.
Jak pieradaje karespandent UNIAN z Varšavy, pra heta paviedamlaje infarmacyjnaje ahienctva Polskaha radyjo (IAR) sa spasyłkaj na nieaficyjnuju infarmacyju.
«Staršynia našaha ŭrada kazaŭ u Bruseli, što destabilizacyja moža mieć miesca paśla Alimpijady ŭ Sočy, tamu što tady Rasija znoŭ pačnie ŭmiešvacca va ŭnutranyja spravy Kijeva. Kali dojdzie da abvastreńnia kanfliktu, Varšava baicca masavaha napłyvu biežancaŭ z Ukrainy», — paviedamlaje ahienctva.
Pavodle jaho dadzienych, Tusk padčas učorašnich pieramovaŭ z kiraŭnikom Jeŭrakamisii Žaze Manuelem Barozu taksama papiaredziŭ jaho ab mahčymaści pierabojaŭ z pastaŭkami hazu ŭ Jeŭrasajuz u vypadku, kali da ŭłady ŭ Ukrainie pryjdzie apazicyja, pakolki tady Rasija moža «zakrucić hazavy kran».
Siarod tem, jakija kiraŭnik polskaha ŭrada ŭčora abmiarkoŭvaŭ ŭ Bruseli, taksama była tema dapamohi Ukrainie.
Adnak, pa dadzienych IAR, Jeŭrasajuz nie maje prapanavać Ukrainie ničoha novaha.
«Havorycca tolki pra padtrymku ES u pieramovach z MVF i pra pazyki Jeŭrapiejskaha inviestycyjnaha banka i Jeŭrapiejskaha banka rekanstrukcyi i raźvićcia», — adznačaje IAR.
Ahienctva zaŭvažaje, što padčas pieramoŭ prahučała dumka, što treba prapanavać Ukrainie siabroŭstva ŭ Jeŭrapiejskaj supolnaści, ale — pa krajniaj miery na siońniašni dzień — vielmi ciažka ŭjavić, što ŭdasca atrymać na heta zhodu ŭsich dziaržaŭ.
Adnačasova pres-sakratar polskaha ŭrada Małhažata Kidava-Błońska ŭ kamientary UNIAN paviedamiła, što premjer-ministr Polščy padčas svaich pieramovaŭ ź lidarami ES sprabuje ich pierš pierakanać u dadatkovaj padtrymcy Ukrainy, pryznaŭšy, što abmiarkoŭvajucca taksama «składanyja scenaryi».
«Kiraŭnik urada, u pieršuju čarhu, choča pierakanać lidaraŭ ES padtrymać Ukrainu, kab ES nie začyniaŭ dźviery pierad Ukrainaj i toje, što jon kazaŭ u intervju dla polskaha i ŭkrainskaha telebačańnia, — kab jana sama znajšła rašeńnie kanfliktu», — adznačyła jana.
Surazmoŭca ahienctva skazaŭ, što, niahledziačy na roznyja strachi, apošnija padziei va Ukrainie demanstrujuć toje, što možna «mudra i mirna» vyrašyć kanflikt.
«Usio viedajem, što treba Ukrainie dapamahčy, i ciapier dumajem pra toje, jak prapanovu ab asacyjacyi, jakaja nie była padpisanaja, zrabić jašče bolš pryvabnaj», — adznačyła pres-sakratar.
Nahadajem, raniej na hetym tydni Tusk zajaviŭ u intervju polskamu telekanału TVP i 5 kanału, što Jeŭrasajuz moža palepšyć umovy Pahadnieńnia ab asacyjacyi Ukrainy ź ES, jakoje ŭkrainskaja ŭłada admoviłasia padpisać u listapadzie 2013 hoda.
Hetuju zajavu jon zrabiŭ napiaredadni svajho turne ŭ ES, padčas jakoha płanavaŭ abmierkavać situacyju va Ukrainie ź lidarami jeŭrapiejskaj supolnaści. Tusk užo pravioŭ pieramovy z premjerami Vyšahradskaj čaćviorki, kiraŭnikom Jeŭrakamisii, kiraŭnikom Jeŭraparłamienta, prezidentam Francyi. Raniej jon taksama rasmaŭlaŭ na hetuju temu z kiraŭnikom Savieta ES i prezidentam Šviejcaryi.
Siońnia płanujecca sustreča Tuska z kancleram Hiermanii Anhiełaj Mierkiel i z premjeram Vialikabrytanii Devidam Kemieranam.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary