Kitaj u 2013 hodzie pavialičyŭ vytvorčaść i spažyvańnie zołata da rekordu, pakolki źnižeńnie koštaŭ vyklikała pavyšeńnie popytu na juvielirnyja vyraby i źlitki.
Pa dadzienych Asacyjacyi zołatavytvorcaŭ KNR (China Gold Association, CGA), spažyvańnie kaštoŭnaha mietału padskočyła na 41 % — da 1 tys. 176,4 tony.
U tym liku popyt z boku juvielirnaj haliny padniaŭsia na 43 %, dasiahnuŭšy 716,5 tony. Kupli załatych źlitkaŭ pavialičylisia na 57 % — da 375,7 tony, u toj čas jak cikavaść da maniet skaraciłasia na 1% — da 25 ton.
Pry hetym vypusk zołata ŭ krainie vyras u minułym hodzie na 6,2% i skłaŭ 428,16 tony.
U vyniku Kitaj zaniaŭ pieršaje miesca ŭ śviecie pa abjomie vytvorčaści hetaha kaštoŭnaha mietału pa vynikach siami hod zapar, adznačaje ahienctva Bloomberg.
«Skačok spažyvańnia zołata ŭ KNR abmiežavaŭ padzieńnie koštaŭ na zołata ŭ minułym hodzie. Kali kitajski popyt zachavajecca, heta budzie doŭhaterminovym «byčynym» faktaram», — miarkuje partnior Shanghai Leading Investment Management Co. Duań Šychua.
U 2013 hodzie ceny na zołata ŭpali na 28 % paśla pavyšeńnia pa vynikach dvanaccaci hadoŭ zapar. U toj ža čas z pačatku hetaha hoda kaštoŭnyja mietały padaraželi prykładna na 6%.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary