Maskoŭski pravaabaronca: Zakon RF daść mahčymaść pasadzić Cimašenku na 5 hadoŭ za zakliki viarnuć Krym Ukrainie
Z 9 maja zakanadaŭstva RF daść mahčymaść pasadzić Cimašenku na 5 hadoŭ za zakliki viarnuć Krym Ukrainie. Tak ličyć maskoŭski pravaabaronca, dyrektar Maskoŭskaha biuro pa pravach čałavieka Alaksandr Brod.
Lider partyi «Baćkaŭščyna» Julija Cimašenka za svaje zakliki ŭ ŚMI «viarnuć Krym na miesca» ŭ najbližejšaj budučyni, zhodna z KK RF, moža raźličvać z boku rasijskaha pravasudździa na 5 hadoŭ pazbaŭleńnia voli.
«Julija Cimašenka ŭ adnoj z teleprahram ukrainskaha telebačańnia zajaviła, što pieršaj umovaj dla pieramovaŭ z Maskvoj pavinna być «viartańnie Krymu na miesca». A heta ŭžo źjaŭlajecca zaklikam da parušeńnia terytaryjalnaj cełasnaści RF, pryčym z vykarystańniem srodkaŭ masavaj infarmacyi», — zajaviŭ Brod.
«U kancy minułaha hoda ŭ Kryminalny kodeks RF uniesieny papraŭki pa inicyjatyvie hrupy deputataŭ Dziarždumy, jakija praduhledžvajuć za padobnaha rodu vykazvańni praź ŚMI pazbaŭleńnie voli terminam na 5 hadoŭ. Hetyja navacyi ŭstupajuć u siłu z 9 maja 2014 hoda, — skazaŭ pravaabaronca.
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ27
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary