Kandydata ŭ prezidenty Ukrainy Aleha Carova źbili kala telekanała ICTV, dzie jon prymaŭ udzieł u palityčnaj pieradačy.
Pradstaŭniki narodnaha deputata adznačyli, što ŭ ciapierašni čas jon znachodzicca ŭ ciažkim stanie.
«Paśla zakančeńnia pramoha efiru na telekanale ICTV narodny deputat, kandydat u prezidenty Ukrainy Aleh Caroŭ padvierhcia napadu ahresiŭnaha ŭzbrojenaha čałavieka, jaki błakavaŭ budynak telekanała», — havorycca ŭ paviedamleńni pres -słužby Carova.
Aktyvisty prabralisia da aŭtamabila Carova, u jakim znajšli try pompavyja strelby i bojeprypasy da aŭtamata Kałašnikava.
Prykładna ŭ 2.30 jon vyjšaŭ da ludziej, jakija kryčali jamu ŭśled «Hańba» i sprabavali zakidać jajkami. Palityka chacieli pavieźci na mašynie chutkaj dapamohi, adnak aktyvisty jaho nie puścili. Paźniej Carova vyvieźli na biełym mikraaŭtobusie.
Paśla źjaviłasia infarmacyja, što Carova paśla advieźli ŭ budynak Hienieralnaj prakuratury nibyta dla aficyjnaj zajavy nakont padziej.
Palityk vyjšaŭ da presy, byŭ raspranuty da pojasa i paviedamiŭ, što ad ruk ahresiŭna nastrojenych aktyvistaŭ jaho vyratavaŭ «Pravy siektar».
Kamientary