Hrupa 1+1 miedyja admaŭlajecca ad pakazu kantentu, jaki ŭschvalaje śpiecnazaŭcaŭ i ŭzbrojenyja siły Rasijskaj Fiederacyi i zaklikaje inšyja ahulnanacyjanalnyja kanały dałučycca da takoj inicyjatyvy.
Kanał 1+1 źviarnuŭsia ŭ Kamitet pa pytańniach svabody słova i infarmacyi, Nacyjanalny saviet pa pytańniach telebačańnia i radyjoviaščańnia i Hienprakuroru Ukrainy z patrabavańniem terminova dać acenku faktam pakazu i papularyzacyi filmaŭ i sieryjałaŭ, jakija ŭschvalajuć moc uzbrojenych sił Rasijskaj Fiederacyi na ŭkrainskich telekanałach.
«Ciapier my znachodzimsia ŭ stanie nieabvieščanaj vajny. Va ŭmovach, kali krainu sprabujuć padzialić i
kali ahresar vykarystoŭvaje ŭsie mahčymyja ryčahi infarmacyjnaha, emacyjnaha, finansavaha i vajennaha cisku — prapahandu kaštoŭnaściaŭ i ŭschvaleńnie siły rasijskaha śpiecnazu, uzbrojenych sił RF i inšych śpiecpadraździaleńniaŭ užo nielha apraŭdać nijakimi ekanamičnymi arhumientami i hustami hledačoŭ.
Na našu dumku, takaja prahramnaja palityka nosić ŭsie prykmiety dziaržaŭnaj zdrady. Zaraz hrupa 1+1 miedyja pryniała rašeńnie źniać z efiru kanałaŭ hrupy ŭsie takija sieryjały i inšyja pradukty», — adznačyŭ Alaksandr Tkačenka, hienieralny dyrektar 1+1 miedyja.
Tamu kanał «1+1» źviartajecca da dziejnaj ułady z patrabavańniem nieadkładna pryniać miery dla zabieśpiačeńnia infarmacyjnaj biaśpieki i procidziejańnia raspalvańniu antyŭradavych nastrojaŭ siarod nasielnictva ŭ efiry ahulnanacyjanalnych kanałaŭ.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary