U Kanach prezientavali trejler da filma «Aviel» z zorkaj «Płejboja» VIDEA
U biełaruskim paviljonie na Kanskim kinafiestyvali pakazali trejler filma «My, braty», anansavany raniej jak «Aviel». Biełaruskija miedyi nazyvajuć film «adkazam na «Žyvie Biełaruś!», chacia stvaralniki heta admaŭlajuć.
Trejler pačynajecca z vuličnych pratestaŭ u Minsku, padobnych da padziejaŭ Płoščy ŭ 2010 hodzie, sutyčak sa śpiecnazam, zatrymańniaŭ, mužčyna ablivaje siabie bienzinam, niekalki aŭtamabilaŭ vybuchajuć i pierakulvajucca. Naprykancy videa Eryk Roberts praciahvaje dakumienty ŭ bok kamiery sa słovami: «Usio tut».
U prezentacyi ŭziali ŭdzieł hienieralny pradziusar stužki, biznesmien Siarhiej Ždanovič, pradziusar Jury Ihruša, režysior Uiljam de Vital.
Paśla pakazu trejlera Ždanovič raspavioŭ, što film «My braty» — prajekt biełaruski nacyjanalny, jaki maje mižnarodny status. Pavodle jaho, zdymki adbyvalisia ŭ Biełarusi (80%), ale taksama ŭ ZŠA i navat u Mieksicy. Šerah suśvietnych kampanijaŭ vykazali žadańnie ŭdzielničać u dystrybjucyi stužki.
Hałoŭnuju rolu ŭ im syhraje Nataša Ałam — amierykanskaja aktrysa, što naradziłasia ŭ Taškiencie, a paźniej ŭziała šlub z unukam iranskaha šacha. Nataša Ałam — viadomaja jak zorka časopisaŭ «Płejboj» i «Maksim», a taksama zdymkami ŭ amierykanskich sieryjałach.
Ždanovič kaža, što dziakujučy Natašy film staŭ bolš dynamičny. Užo praź niekalki dzion z Kanaŭ razam sa Ždanovičam jany laciać u Minsk na zdymki.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary