Vyjšaŭ novy numar «ARCHE» (№ 4 za 2014 hod), jaki maje nazvu «Architekturnaja spadčyna: historyja rujnavańniaŭ i rekanstrukcyj». Jon całkam pryśviečany razhladu sučasnaha stanu rečaŭ, jaki skłaŭsia ŭ Biełarusi z achovaj architekturnych pomnikaŭ, i sprobaŭ, skiravanych na jaho palapšeńnie.
Aŭtarami numara źviartałasia ŭvaha jak na prablemy zachavańnia staroj architektury ŭ bujnych biełaruskich haradach, takich jak Minsk, Horadnia, Bieraście i Orša, tak i na łohiku źmienaŭ kulturnaha łandšaftu małych biełaruskich haradoŭ. Ceły raździeł pryśviečany prablemie kansiervacyi i restaŭracyi staražytnych biełaruskich zamkaŭ, absalutnaja bolšaść jakich nadalej znachodzicca abo ŭ avaryjnym stanie, abo ŭ vyhladzie ruin. Novyja kanceptualnyja padychody da ich zachavańnia i adnaŭleńnia pradstaŭlenyja na prykładach Kreva, Lubčy, Halšan. Akramia taho, dla kanceptualnaha paraŭnańnia ŭ numary ŭ pierakładzie na biełaruskuju movu drukujucca niekalki tekstaŭ viadomych polskich daśledčykaŭ, jakija na tearetyčnym i praktyčnym uzroŭni zajmalisia pytańniami kansiervacyi dy restaŭracyi našych zamkaŭ u mižvajenny čas. Siarod aŭtaraŭ numara – Siarhiej Chareŭski, Iryna Łaŭroŭskaja, Valera Rusielik, Ściapan Sturejka, Taćciana Vadałažskaja i mnohija inšyja daśledčyki i hramadskija aktyvisty jak sa stalicy, tak i z rehijonaŭ. Ahulny abjom numara - 572 staronki.
Vydańnie možna zamović, dasłaŭšy elektronny list na adras [email protected]. Padrabiaznaści — tut.
-
U Hrodnie vyrašajuć, jak adnavić Kałožu, kab jaje nie admovilisia ŭziać u śpis JUNIESKA
-
Takoha dziciačaha sadka vy jašče nie bačyli. Jaho sprajektavaŭ łaŭreat «architekturnaha Nobiela»
-
Stračvała prytomnaść ad hoładu, zarablała na žyćcio masažam — zachaplalnyja fakty ź bijahrafii Ałaizy Paškievič, jakoj siońnia 150 hadoŭ
Ciapier čytajuć
Były ministr kultury Rusłan Čarniecki znajšoŭ sabie padpracoŭku9
Kamientary