Выйшаў новы нумар «ARCHE» (№ 4 за 2014 год), які мае назву «Архітэктурная спадчына: гісторыя руйнаванняў і рэканструкцый». Ён цалкам прысвечаны разгляду сучаснага стану рэчаў, які склаўся ў Беларусі з аховай архітэктурных помнікаў, і спробаў, скіраваных на яго паляпшэнне.
Аўтарамі нумара звярталася ўвага як на праблемы захавання старой архітэктуры ў буйных беларускіх гарадах, такіх як Мінск, Горадня, Берасце і Орша, так і на логіку зменаў культурнага ландшафту малых беларускіх гарадоў. Цэлы раздзел прысвечаны праблеме кансервацыі і рэстаўрацыі старажытных беларускіх замкаў, абсалютная большасць якіх надалей знаходзіцца або ў аварыйным стане, або ў выглядзе руін. Новыя канцэптуальныя падыходы да іх захавання і аднаўлення прадстаўленыя на прыкладах Крэва, Любчы, Гальшан. Акрамя таго, для канцэптуальнага параўнання ў нумары ў перакладзе на беларускую мову друкуюцца некалькі тэкстаў вядомых польскіх даследчыкаў, якія на тэарэтычным і практычным узроўні займаліся пытаннямі кансервацыі ды рэстаўрацыі нашых замкаў у міжваенны час. Сярод аўтараў нумара – Сяргей Харэўскі, Ірына Лаўроўская, Валера Руселік, Сцяпан Стурэйка, Таццяна Вадалажская і многія іншыя даследчыкі і грамадскія актывісты як са сталіцы, так і з рэгіёнаў. Агульны аб'ём нумара - 572 старонкі.
Выданне можна замовіць, даслаўшы электронны ліст на адрас [email protected]. Падрабязнасці — тут.
-
У Гродне вырашаюць, як аднавіць Каложу, каб яе не адмовіліся ўзяць у спіс ЮНЕСКА
-
Такога дзіцячага садка вы яшчэ не бачылі. Яго спраектаваў лаўрэат «архітэктурнага Нобеля»
-
Страчвала прытомнасць ад голаду, зарабляла на жыццё масажам — захапляльныя факты з біяграфіі Алаізы Пашкевіч, якой сёння 150 гадоў
Цяпер чытаюць
Вось хто той хлопец, які паехаў на праполку бульбы і стаў героем сацсетак4
Каментары