Namieśnik pamočnika dziaržsakratara ZŠA pa spravach Jeŭropy i Jeŭrazii Eryk Rubin znachodziŭsia ŭ Minsku 2—4 červienia.
Jak paviedamiła pres-słužba pasolstva ZŠA ŭ Biełarusi, padčas vizitu Rubin pravioŭ «šyrokaje koła sustreč», u tym liku ź ministram zamiežnych spraŭ Uładzimiram Makiejem, pradstaŭnikami dypłamatyčnaha korpusu i hramadzianskaj supolnaści, a taksama sa svajakami palitźniavolenych.
«Padčas sustreč Rubin vyvučyŭ mahčymaść dalejšaha ŭmacavańnia supracoŭnictva ź Biełaruśsiu pa pytańniach, što ŭjaŭlajuć uzajemnuju cikavaść, — takich, jak baraćba z handlem ludźmi, pašyreńnie dziełavych kantaktaŭ. Razam z tym jon źviarnuŭsia da daŭnich pytańniaŭ, jakija vyklikajuć zakłapočanaść ZŠA i tyčacca nieabchodnaści palapšeńnia situacyi z pravami čałavieka i demakratyzacyi», — havorycca ŭ paviedamleńni.
U svaju čarhu pres-słužba MZS Biełarusi paviedamiła, što na sustrečy Makieja i Rubina abmiarkoŭvalisia «najaŭnyja pytańni dvuchbakovaha paradku dnia».
«Adbyŭsia abmien mierkavańniami nakont pierśpiektyŭ dalejšaha raźvićcia biełaruska-amierykanskaha supracoŭnictva, — zaŭvažajecca ŭ paviedamleńni. — Asabliva adznačana nieabchodnaść admieny sankcyj, jakija pieraškadžajuć raźvićciu narmalnych adnosinaŭ pamiž Biełaruśsiu i ZŠA».
Jak paviedamiła žonka eks-kandydata ŭ prezidenty Biełarusi Mikałaja Statkieviča Maryna Adamovič, na sustrečy sa svajakami palitźniavolenych 4 červienia Eryk Rubin zajaviŭ: pazicyja ZŠA pa pytańni biełaruskich palitźniavolenych zastajecca niaźmiennaj.
Jak stała viadoma BiełaPAN, zapłanavanaja sustreča Rubina ź lidarami apazicyi nie adbyłasia — jany znachodziacca ŭ Vilni, dzie hetymi dniami prachodzić kanfierencyja pa abmierkavańni płanaŭ apazicyi ŭ śviatle vybaraŭ prezidenta Biełarusi, jakija adbuducca ŭ 2015 hodzie.
Ciapier čytajuć
Radzilnyja damy spaborničajuć, u kaho 3 lipienia narodzicca bolš dziaciej9
Kamientary